گوگل نیوز پر ہمیں فالو کریںساحل سمندر پر بارش کے موسم میں آسمان پر دیوہیکل بادل چھانے کی ویڈیو نے سوشل میڈیا صارفین کی توجہ حاصل کرلی، سوشل میڈیا پر وائرل ہونے والی ویڈیو میں شاندار موسمی منظر کو حیرتناک قرار دیا جارہا ہے۔
تفصیلات کے مطابق یہ نظارہ امریکی ریاست نیو جرسی کے ساحلی علاقے کیپ مے کے قریب دیکھا گیا جہاں شیلف کلاؤڈ کی بڑی لہر نے سمندر کی دیوہیکل لہر جیسا نظارہ تشکیل دیا۔ سوشل میڈیا پر وائرل ویڈیو میں افق پر موجود سیاہ بادلوں کی طویل پٹی دیکھی جاسکتی ہے۔
سیاہ بادلوں کی طویل پٹی آہستہ آہستہ ساحل کی جانب بڑھتی نظر آتی ہے اور بادلوں کے افق پر موجود ہونے کے باعث یہ بادل سمندر کے پانی سے ہم آہنگ نظر آتے ہیں۔ ویڈیو سوشل میڈیا پلیٹ فارم ایکس پر شیئر کیے جانے کے بعد صارفین کی جانب سے آسمان کے خوبصورت منظر کو حیرت انگیز قرار دیا گیا۔
A shelf cloud resembling a giant wave was filmed in New Jersey
The cloud rolled in over the coast near the city of Cape May. pic.twitter.com/zsRSwcTGfU
— NEXTA (@nexta_tv) August 16, 2026
ماہرین کا ماننا ہے کہ آسمان سے زمین تک چھائے ہوئے یہ بادل کسی ٹورنیڈو کی بجائے شیلف کلاؤڈ کا مظہر ہیں جو کم بلندی پر بننے والے افقی یا گھڑا نما بادل کہلاتے ہیں اور عام طور پر گرج چمک والے طوفان یا تیز آندھی کے ہمراہ ایسی صورت اختیار کرتے ہیں جو عوام کی توجہ حاصل کرلیتی ہے۔
