گوگل نیوز پر ہمیں فالو کریںزمبابوے کرکٹ ٹیم کے کپتان سکندر رضا کی 15 سالہ صاحبزادی عنایہ نے دو سال سے بھی کم عرصے میں قرآنِ مجید حفظ کرنے کی سعادت حاصل کر لی۔
میڈیا رپورٹس کے مطابق عنایہ نے پاکستانی استاد قاری محمد یوسف کی آن لائن نگرانی میں قرآنِ کریم حفظ کیا۔ مسلسل محنت اور باقاعدہ آن لائن کلاسز کے ذریعے انہوں نے یہ عظیم دینی سنگِ میل کامیابی سے مکمل کیا۔
اس خوشی کے موقع پر زمبابوے کے دارالحکومت ہرارے میں سکندر رضا کی رہائش گاہ پر ایک خصوصی نجی تقریب کا انعقاد کیا گیا، جس میں اہلِ خانہ اور قریبی عزیزوں نے شرکت کی۔ تقریب کے دوران قاری محمد یوسف نے آن لائن شرکت کرتے ہوئے آخری سورت کی تلاوت سنی، تکمیلِ حفظ پر دعا کروائی اور عنایہ کو مبارک باد پیش کی۔
رپورٹس کے مطابق عنایہ نے جولائی 2026ء کے آخری ہفتے، تقریباً 27 سے 29 جولائی کے دوران، قرآنِ پاک حفظ مکمل کیا۔
سوشل میڈیا پر بھی سکندر رضا اور ان کی صاحبزادی کو اس عظیم کامیابی پر مبارک باد دی جا رہی ہے، جبکہ صارفین نے عنایہ کی محنت، والدین کی دینی تربیت اور استاد کی خدمات کو سراہتے ہوئے اسے نوجوانوں کے لیے ایک قابلِ تقلید مثال قرار دیا ہے۔
