گوگل نیوز پر ہمیں فالو کریںقومی کرکٹ ٹیم کے کپتان بابر اعظم نے ویسٹ انڈیز کے خلاف دوسرے اور آخری ٹیسٹ میں محمد عباس کو قومی ٹیسٹ اسکواڈ کی پلیئنگ الیون لسٹ سے باہر رکھنے کی وجہ واضح کرتے ہوئے کہا ہے کہ یہ فیصلہ انجری کی وجہ سے نہیں بلکہ پورٹ آف اسپین کی سست وکٹ کو مدنظر رکھتے ہوئے کیا گیا۔
تفصیلات کے مطابق ٹاس کے موقع پر گفتگو میں بابر اعظم نے بتایا کہ محمد عباس مکمل فٹ ہیں، تاہم ٹیم نے کنڈیشنز کے مطابق بولنگ اٹیک منتخب کیا۔ پہلے ٹیسٹ میں 8 وکٹیں لینے کے باوجود عباس کو ڈراپ کیے جانے پر کرکٹ حلقوں میں حیرت کا اظہار کیا جا رہا تھا۔
کپتان بابر اعظم کے بیان کے مطابق پاکستان نے دوسرے ٹیسٹ میں اسپن اٹیک مضبوط بنانے کے لیے ساجد خان کو شامل کیا، جبکہ نوجوان فاسٹ بولر عبید شاہ کو ٹیسٹ ڈیبیو کا موقع دیا۔ محمد علی بطور دوسرے اسپیشلسٹ فاسٹ بولر ٹیم کا حصہ رہے۔
واضح رہے کہ دسمبر 2024 میں ٹیسٹ ٹیم میں واپسی کے بعد محمد عباس پانچ میچوں میں 28 وکٹیں حاصل کر چکے ہیں اور انگلینڈ کے خلاف آئندہ ٹیسٹ سیریز میں بھی ان سے اہم کردار کی توقع کی جا رہی ہے۔
