گوگل نیوز پر ہمیں فالو کریںاسلام آباد: چیئرمین بحریہ ٹاؤن اور معروف بزنس مین ملک ریاض نے اپنی بیٹی امبر ملک کے ہمراہ سوشل میڈیا پر وائرل ہونے والی کال پر ردعمل دیتے ہوئے کہا کہ ان سے منسوب آڈیو جعلی ہے اور ذمہ داروں کے خلاف قانونی کارروائی کی جارہی ہے۔
گزشتہ روز سماجی رابطے کی ویب سائٹ ٹوئٹر پر اپنے پیغام میں معروف بزنس مین ملک ریاض نے کہا کہ یہ کوئی حیران کن بات نہیں ہے کہ جدید ڈیپ فیک ٹیکنالوجی کی مدد سے جعلی گفتگو کی جاتی ہے۔ انہوں نے کہا کہ میری جعلی آواز کو سیاسی انتقام کے لیے ذاتی فائدے کے لیے استعمال کیا جا رہا ہے۔
— Malik Riaz Hussain (@MalikRiaz_) June 5, 2022
ٹوئٹر پیغام میں بحریہ ٹاؤن کے چیئرمین ملک ریاض حسین نے کہا کہ ان کے خاندان کے افراد کو بھی جعلی آوازوں کے ذریعے انتقام میں ملوث کیا جا رہا ہے جبکہ یہ انتقامی حملے ان کے لیے ناگوار ہیں۔
انہوں نے ٹیکنالوجی کے ذریعے اپنی جعلی آڈیو کال بنانے کے خلاف کارروائی کا اشارہ دیتے ہوئے کہا”میں قانونی کارروائی کرتے ہوئے سازش کے پیچھے لوگوں کو بے نقاب کرنے کے لیے قانونی فورمز کا استعمال کروں گا،”۔
مزید پڑھیں:ملک ریاض اور بیٹی کی عمران خان، بشریٰ بی بی اور فرح گوگی پر آڈیوکال لیک
