گوگل نیوز پر ہمیں فالو کریںاسلام آباد: پی ٹی آئی کی سینئر رہنما و سابق وزیرِ انسانی حقوق ڈاکٹر شیریں مزاری نے کہا ہے کہ پاکستان کو ایف اے ٹی ایف کی گرے لسٹ میں رکھنے کی ذمہ دار ن لیگی حکومت تھی جبکہ قانون سازی کے دوران بلاول بھٹو اور شہباز شریف واک آؤٹ کر گئے تھے۔
سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیریں مزاری نے کہا کہ پوری قوم یہ خوب جانتی ہے تاہم مافیا کی یادداشتوں کوبھی کھنگالنا ہوگا کہ جب ایف اے ٹی ایف نکات پورے کرنے کیلئے قانون سازی ہورہی تھی تو سب واک آؤٹ کر گئے۔
گرے لسٹ سے نکلنے پر وزیر اعظم کا اظہار تشکر
The nation remembers only too well. Let's jog the mafias memories also once again. @CMShehbaz @BBhuttoZardari All walked out when FATF legislation being done bec they wanted NRO before they would help Pak get out of grey list. It was PMLN govt that put Pak in grey list! Shameless pic.twitter.com/fSGe2WRdpg
— Shireen Mazari (@ShireenMazari1) October 22, 2022
ٹوئٹر پیغام میں پی ٹی آئی رہنما شیریں مزاری نے وزیر اعظم شہباز شریف اور وزیرِ خارجہ بلاول بھٹو زرداری کو مخاطب کرتے ہوئے کہا کہ سب نے واک آؤٹ اس لیے کیا کیونکہ انہیں پاکستان کو گرے لسٹ سے نکالنے سے قبل شرمناک طور پر اپنے لیے این آر او چاہئے تھا۔
خیال رہے کہ اس سے قبل وزیراعظم شہبازشریف نے پاکستان کے فنانشل ایکشن ٹاسک فورس(فیٹف) کی گرے لسٹ سے نکلنے پر تشکر کا اظہار کیا۔
ٹوئٹر پر گزشتہ روز جاری بیان میں شہباز شریف نے اللہ کا شکر ادا کرتے ہوئے کہا کہ پاکستان کو فیٹف کی گرے لسٹ سے نجات ملی،عالمی سطح پر پاکستان کی ساکھ اور وقار کی بحالی قوم کو مبارک ہو۔
