فواد چوہدری کی گرفتاری نے ثابت کیا کہ ملک بنانا ری پبلک بن گیا ہے۔عمران خان

لاہور: چیئرمین پی ٹی آئی عمران خان نے کہا ہے کہ فواد چوہدری کی گرفتاری نے ثابت کردیا ہے کہ ملک بنانا ری پبلک بن چکا ہے جبکہ فواد چوہدری ہمارے ہراول دستے کے کارکن ہیں۔

تفصیلات کے مطابق چیئرمین پی ٹی آئی و سابق وزیر اعظم عمران خان نے کہا کہ 22 کروڑ عوام تحریکِ انصاف کے ساتھ ہیں۔ فواد چوہدری پی ٹی آئی کے ہراول دستے کے کارکن ہیں۔

یہ بھی پڑھیں:

فواد چوہدری کیلئے پی ٹی آئی کا عدالت سے رجوع کا فیصلہ

چیئرمین تحریکِ انصاف عمران خان نے اتحادی حکومت پر تنقید کرتے ہوئے کہا کہ امپورٹڈ حکومت مجھے کبھی گرفتار نہیں کرسکتی۔ حکمرانوں کے اپنے کیسز عدالتوں میں موجود ہیں۔

I will be doing media talk 4 pm today. Fawad's arrest on his apt description of the CEC leaves no doubt in anyone's mind that Pak has become a banana republic devoid of rule of law. We must stand up for our fundamental rights now to save Pak's drift towards a point of no return.

— Imran Khan (@ImranKhanPTI) January 25, 2023

سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ میں آج سہ پہر 4 بجے میڈیا سے گفتگو کروں گا۔اس سے پہلے کہ معاملات بند گلی تک جا پہنچیں۔ہم سب کو اپنے بنیادی انسانی حقوق کے تحفظ کیلئے کھڑے ہونا ہے۔

خیال رہے کہ اس سے قبل پی ٹی آئی رہنما فواد چوہدری پر الیکشن کمیشن کی توہین کا الزام عائد کرتے ہوئے انہیں گرفتار کیا گیا۔ لاہور کی عدالت نے فواد چوہدری کا راہداری ریمانڈ منظور کر لیا ہے۔

دوسری جانب اسلام آباد پولیس کا کہنا ہے کہ فواد چوہدری کی گرفتاری آئینی ادارے کی درخواست پر عمل میں لائی گئی، تاہم پی ٹی آئی رہنماؤں نے گرفتاری کی سختی سے مذمت کی ہے۔