گوگل نیوز پر ہمیں فالو کریںلاہور: چیئرمین پی ٹی آئی و سابق وزیر اعظم عمران خان نے سپریم کورٹ کی جانب سے الیکشن کمیشن کو انتخابات 90 روز بعد کرانے کا حکم دینے پر جیل بھرو تحریک ختم کرنے کا اعلان کردیا ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ ہم سپریم کورٹ کے فیصلے کا خیر مقدم کرتے ہیں جبکہ آئین کا تحفظ ہی سپریم کورٹ کی ذمہ داری تھی۔
سپریم کورٹ کا پنجاب اور خیبر پختونخوا میں انتخابات کا حکم
ٹوئٹر پیغام میں عمران خان نے کہا کہ سپریم کورٹ نے آج انصاف پر مبنی فیصلہ سنا کر آئین کی پاسداری کا حق ادا کردیا جس سے ملک میں قانون کی حکمرانی کا نفاذ ممکن ہوا ہے۔
We welcome the SC judgement. It was responsibility of SC to uphold Constitution & they have valiantly done that through their judgement today. It is an assertion of Rule of Law in Pak. We are suspending our Jail Bharo movement & moving forward with elec campaigns in KP & Punjab.
— Imran Khan (@ImranKhanPTI) March 1, 2023
ملک گیر تحریک کے متعلق فیصلہ سناتے ہوئے چیئرمین پی ٹی آئی عمران خان نے کہا کہ ہم جیل بھرو تحریک ختم کرنے کا اعلان کرتے ہیں اور اب خیبر پختونخوا اور پنجاب میں الیکشن مہم کا آغاز کریں گے۔
خیال رہے کہ اس سے قبل سپریم کورٹ آف پاکستان نے از خود نوٹس کیس کا فیصلہ سنا دیا۔ عدالتِ عظمیٰ نے 90 روز میں پنجاب اور خیبر پختنوخوا میں انتخابات منعقد کرانے کا حکم دے دیا۔
سپریم کورٹ کے 5رکنی ججز بینچ نے 3، 2 کی نسبت سے فیصلہ سنایا۔ جسٹس منصور علی شاہ اور جسٹس جمال مندوخیل نے فیصلے کے متعلق اختلافی نوٹ تحریر کیا۔ سپریم کورٹ نے انتخابات کا حکم الیکشن کمیشن کو دیا۔
