گوگل نیوز پر ہمیں فالو کریںکراچی: پاکستان تحریکِ انصاف کے رکنِ قومی اسمبلی اور سابق وفاقی وزیر عامر لیاقت حسین نے دعویٰ کیا ہے کہ شہرِ قائد کو بجلی فراہم کرنے والی کمپنی کے الیکٹرک کا لائسنس معطل ہونے والا ہے۔
سماجی رابطے کی ویب سائٹ ٹوئٹر پرگزشتہ روز اپنے پیغام میں رکنِ قومی اسمبلی عامر لیاقت حسین نے کہا کہ کے الیکٹرک نے اہلیانِ کراچی اور معصوم بچوں کو بہت تنگ کر لیا، جبکہ کے الیکٹرک آسمان سے اُترے ہوئے فرشتوں کا ادارہ نہیں ہے۔
پیغام میں رکنِ قومی اسمبلی عامر لیاقت حسین نے کہا کہ کے الیکٹرک نے کراچی میں صنعت، تجارت اور کاروبار سمیت سب کچھ تباہ کردیا ہے۔ وزیرِ اعظم عمران خان کی ہدایت پر میں نے نیپرا کے اہم افراد سے ملاقات کی ہے۔
رکنِ اسمبلی عامر لیاقت حسین کے مطابق نیپرا کے حکام سے وفاقی دارالحکومت اسلام آباد میں ملاقات ہوئی جس کے دوران کے الیکٹرک کی بدعنوانی پر گفتگو ہوئی۔ عامر لیاقت حسین نے کہا کہ کے الیکٹرک کا لائسنس معطل ہونے والا ہے۔
کے الیکترک آسمان سے اُترے فرشتوں کا ادارہ نہیں ، بہت تنگ کرلیا انہوں نے اہلیان کراچی کو، بہت ستالیا انہوں نےمعصوم بچوں کو، صنعت، تجارت ، کاروبار سب تباہ کردیا،وزیراعظم جی ہدایت پر نیپرا کے اہم افرادسے اسلا م آباد میں ملاقات ہوئی، کے الیکٹرک کا لائسنس معطل ہونے والا ہے
— Aamir Liaquat Husain (@AamirLiaquat) July 23, 2020
یہ بھی پڑھیں: کے الیکٹرک کو قومی تحویل میں لیاجائے،حافظ نعیم الرحمن
