گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے امورِ جوانان عثمان ڈار نے کہا ہے کہ فنانشل ایکشن ٹاسک فورس (ایف اے ٹی ایف) قوانین کی منظوری میں حزبِ اختلاف (اپوزیشن) کی طرف سے رکاوٹ ڈالنا افسوسناک ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی عثمان ڈار نے کہا کہ اپوزیشن کیلئے اپنے مفادات سب سے اہم ہیں۔ ان کو قومی اور ملکی مفادات کی کوئی فکر نہیں ہے۔
معاونِ خصوصی عثمان ڈار نے کہا کہ نیب قوانین میں ترمیم کو بہانہ بنا کر ایف اے ٹی ایف قوانین کو منظور نہ کرنے دینا اور ملکی مفادات کو داؤ پر لگانا انتہائی افسوسناک ہے۔
اپوزیشن کے لیے اپنے مفادات سب سے اہم ہیں ان کو قومی اور ملکی مفادات کی کوئی فکر نہیں۔ نیب قوانین میں ترمیم کو بہانہ بنا کر FATF قوانین کو پاس نہ کرنے دینا ملکی مفادات کو داؤ پر لگانا انتہائی افسوس ناک ہے۔ pic.twitter.com/MXCJGYkCbc
— Usman Dar (@UdarOfficial) July 29, 2020
یاد رہے کہ اِس سے قبل پاکستان تحریکِ انصاف نے کہا کہ اگر پاکستان ایف اے ٹی ایف کی گرے لسٹ سے نکلنا چاہتا ہے تو اس کیلئے نئے قوانین ضروری ہیں۔
ٹوئٹر پر تحریکِ انصاف کے آفیشل اکاؤنٹ سے جاری کردہ بیان میں کہا گیا کہ پاکستان کو فنانشل ایکشن ٹاسک فورس (ایف اے ٹی ایف) کی گرے لسٹ سے نکلنے کیلئے اکتوبر تک کچھ نئے قوانین کی ضرورت ہے جبکہ اپوزیشن صورتحال کا فائدہ اٹھانا چاہتی ہے۔
مزید پڑھیں: گرے لسٹ سے نکلنے کیلئے نئے قوانین ضروری ہیں۔تحریکِ انصاف
