گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے کہا ہے کہ ملکی ترسیلاتِ زر میں اضافہ پاکستانی معیشت کیلئے ایک اور خوشخبری ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ پاکستانی معیشت کیلئے ایک اور خوشخبری یہ ہے کہ رواں برس جولائی کے دوران سمندر پار پاکستانیوں کی طرف سے بھجوائی جانے والی ترسیلاتِ زر 2 ہزار 768 ملین ڈالرز تک پہنچ گئیں جو ملکی تاریخ میں 1 ماہ میں بھجوایا گیا سب سے زیادہ سرمایہ ہے۔
پیغام میں وزیرِ اعظم عمران خان نے کہا کہ یہ ترسیلاتِ زر رواں برس جون کی نسبت 12 اعشاریہ 2 فیصد جبکہ گزشتہ برس جولائی کی نسبت 36 اعشاریہ 5 فیصد زیادہ ہیں۔
پاکستانی معیشت کیلئےایک اورخوشخبری: جولائی 2020 میں سمندرپارپاکستانیوں کیجانب سےبھجوائی جانےوالی ترسیلاتِ زر 2768 ملین ڈالرز تک پہنچ گئیں جوملکی تاریخ میں 1 ماہ میں بھجوایاجانےوالا سب سےزیادہ سرمایہ ہے۔یہ ترسیلاتِ زر جون 2020 کی نسبت 12.2%جبکہ جولائی 2019 کی نسبت 36.5% زیادہ ہیں۔
— Imran Khan (@ImranKhanPTI) August 17, 2020
یہ بھی پڑھیں: وزیر اعظم نے کاروبار کے فروغ کیلئے کمیٹی تشکیل دیدی
