لاہور :پاکستان مسلم لیگ ن کے صدر اور قومی اسمبلی میں اپوزیشن لیڈر شہباز شریف کے ریمانڈ میں 7 روز کی توسیع کردی گئی ہے۔
شہبازشریف کو 14 روزہ جسمانی ریمانڈ کی میعاد ختم ہونے پر لاہور کی احتساب عدالت میں پیش کیا گیا۔
29 ستمبر کو احتساب عدالت نے اپوزیشن لیڈر کی گرفتاری کے ایک دن بعد شہباز شریف کو14 روزہ جسمانی ریمانڈ پر قومی احتساب بیورو کے حوالے کیا تھا۔
احتساب عدالت کے جج جواد الحسن نے فیصلہ سناتے ہوئے حکم دیا تھا کہ اپوزیشن لیڈر کو 13 اکتوبر کو دوبارہ عدالت میں پیش کیا جائے۔
واضح رہے کہ گزشتہ سماعت کے دوران شہباز شریف نے شکایت کی تھی کہ پیٹھ کی تکلیف کی شکایت میں مبتلا ہونے کے باوجود نیب حکام جان بوجھ کر کھانا میز کے بجائے زمین پر رکھ کر دیتے ہیں۔
شہباز شریف نے مزید کہا کہ یہ سب وزیر اعظم عمران خان اور شہزاد اکبر کی ہدایت پر ہو رہا ہے اور متنبہ کیا ہے کہ اگر ان کی صحت کو خطرہ لاحق ہے تو عمران خان اور ان کے مشیر کے خلاف مقدمہ درج کیا جائے گا۔
گوگل نیوز پر ہمیں فالو کریں
