گوگل نیوز پر ہمیں فالو کریںاسلام آباد: ترجمان دفترِ خارجہ زاہد حفیظ چوہدری نے کہا ہے کہ ملکی تعمیرو ترقی کیلئے مسیحی برادری کے کردار کو فراموش نہیں کیا جاسکتا۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ زاہد حفیظ چوہدری نے کرسمس کے موقعے پر مسیحی برادری کو مبارکباد دیتے ہوئے کہا کہ کرسمس کی خوشیوں بھرے موقعے پر ہم اپنے مسیحی بہن بھائیوں کو دل کی گہرائیوں سے مبارکباد پیش کرتے ہیں۔
پیغام میں ترجمان دفترِ خارجہ نے کہا کہ مسیحی برادری پاکستان میں اور پاکستان سے باہر دنیا بھر میں کرسمس کا تہوار منا رہی ہے جبکہ قومی تعمیر و ترقی میں مسیحی بہن بھائیوں کا اہم کردار اور قابلِ قدر تعاون فراموش نہیں کیا جاسکتا۔
On the joyous day of #Christmas , we wish #MerryChristmas2020 to our Christian brethren in #Pakistan & all over the world. We gratefully acknowledge the important role played & valuable contribution made by our Christian brethren in national development.
— Ministry of Foreign Affairs – Pakistan (@ForeignOfficePk) December 25, 2020
یاد رہے کہ اِس سے قبل وزیرِ اعظم پاکستان عمران خان نے کہا کہ کرسمس کی خوشیاں مناتے ہوئے پاکستان کے مسیحی شہری کورونا ایس او پیز کو یاد رکھیں۔
ٹوئٹر پر اپنے پیغام میں وزیرِ اعظم عمران خان نے مسیحی برادری کو کرسمس کے مذہبی تہوار پر مبارکباد پیش کرتے ہوئے کہا کہ ہمارے مسیحی شہریوں کو کرسمس کی ڈھیروں خوشیاں مبارک ہوں۔
مزید پڑھیں: کرسمس کے دوران مسیحی شہری کورونا ایس او پیز یاد رکھیں۔وزیرِ اعظم
