گوگل نیوز پر ہمیں فالو کریںاسلام آباد: وزیرِ اعظم عمران خان نے بولان کے علاقے مچھ میں دہشت گردی کے نتیجے میں 11 افراد کے قتل کا نوٹس لیتے ہوئے کہا ہے کہ حکومت مچھ کے مقتول مزدوروں کے لواحقین کو تنہا نہیں چھوڑے گی۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے بلوچستان کے علاقے مچھ میں 11 معصوم کان کنوں کی شہادت کی شدید مذمت کرتے ہوئے کہا کہ یہ غیر انسانی فعل دہشت گردوں کا ایک اور بزدلانہ اقدام ہے۔
پیغام میں وزیرِ اعظم عمران خان نے کہا کہ میں نے ایف سی کو تمام دستیاب ذرائع استعمال کرتے ہوئے قاتلوں کو گرفتار کرکے انصاف کے کٹہرے میں لانے کا حکم دے دیا ہے۔ ہم مقتول مزدوروں کے اہلِ خانہ اور لواحقین کو تنہا نہیں چھوڑیں گے۔
The condemnable killing of 11 innocent coal miners in Machh Balochistan is yet another cowardly inhumane act of terrorism. Have asked the FC to use all resources to apprehend these killers & bring them to justice. The families of the victims will not be left abandoned by the govt
— Imran Khan (@ImranKhanPTI) January 3, 2021
یاد رہے کہ اِس سے قبل ضلع بولان میں مچھ کوئلہ فیلڈ کے مزدوروں پر دہشت گردوں نے فائرنگ کی جس کے نتیجے میں 11 افراد جاں بحق جبکہ متعدد زخمی ہو گئے۔
آج صبح کے وقت پیش آنے والے اِس واقعے میں دہشت گردوں نے مچھ کوئلہ فیلڈ کے مزدوروں کو اپنا نشانہ بنایا۔ پولیس کا کہنا ہے کہ مسلح افراد کان کنوں کو قریبی پہاڑیوں میں لے گئے اور ان پر گولیاں چلائیں۔
مزید پڑھیں: مچھ کوئلہ فیلڈ کے مزدوروں پر فائرنگ، 11 افراد جاں بحق، متعدد زخمی
