گوگل نیوز پر ہمیں فالو کریںپاکستان کرکٹ ٹیم کے سابق کپتان و اسٹار آل راؤنڈر شاہد خان آفریدی کا گزشتہ روز گم ہونے والا پالتو کتا مل گیا ہے۔
اپنا گم شدہ کتا واپس ملنے پر قومی کرکٹ ٹیم کے سابق کپتان نے ایکس پر خوشی کا اظہار کیا ہے۔
سابق کپتان کا پالتو کتا گزشتہ روز اسلام آباد میں کھو گیا تھا، شاہد آفریدی نے سماجی رابطے کی ویب سائٹ’’ ایکس‘‘ پر جاری پیغام میں اپنے پالتو کتے کی گم شدگی کی اطلاع دی تھی۔
اب شاہد آفریدی نے سوشل میڈیا پر اپنے کتے کے واپسی کی اطلاع شیئر کرتے ہوئے کہا کہ میرا کتا مل گیا ہے اور بحفاظت گھر پہنچ گیا ہے۔
سابق کپتان نے اپنے پیغام میں کہا کہ ان تمام لوگوں کا دل کی گہرائیوں سے شکریہ جنہوں نے سوشل میڈیا پر میری پوسٹ کو سپورٹ کیا، اس شاندار کمیونٹی کے تعاون کے بغیر یہ ممکن نہیں تھا۔
