گوگل نیوز پر ہمیں فالو کریںاسلام آباد: صدرِ مملکت ڈاکٹر عارف علوی نے سینیٹ کا اجلاس کل طلب کیا ہے جس میں ملک کی سیاسی و معاشی صورتحال پر گفتگو ہوگی۔
تفصیلات کے مطابق صدرِ مملکت ڈاکٹر عارف علوی نے ایوانِ بالا کا اجلاس کل صبح 11 بجے طلب کیا ہے جس کے دوران اتحادی حکومت اور اپوزیشن کے سینیٹرز کے مابین مختلف معاشی و سیاسی مسائل پر گرما گرم بحث متوقع ہے۔
پی پی پی کے سینیٹر ڈاکٹر سکندر میندھرو انتقال کر گئے
President @ArifAlvi has convened Senate session tomorrow ( 17-08-2022) at 11 am@PresOfPakistan https://t.co/AH0Mt7tH7x pic.twitter.com/ksqjfxCst3
— Radio Pakistan (@RadioPakistan) August 16, 2022
یاد رہے کہ اس سے قبل صدرِ مملکت ڈاکٹر عارف علوی نے ملک کی سیاسی صورتحال پر گفتگو کیلئے سینیٹ کا اجلاس گزشتہ ماہ 29 جولائی کو طلب کیا تھا۔
صدرِ مملکت ڈاکٹر عارف علوی نے جمعہ کے روز دن 10 بج کر 30 منٹ پر ایوانِ بالا کا اجلاس طلب کیا جس کی طلبی آئین کی دفعہ 54(1) کے تحت عمل میں لائی گئی تھی۔
قبل ازیں صدر مملکت عارف علوی نے افغانستان جانے والے علماء وفد کے سربراہ مولانا مفتی تقی عثمانی سے ٹیلی فونک رابطہ کیا۔
ایوان صدر کے 25 جولائی کو جاری کردہ اعلامیے کے مطابق صدر مملکت نے مفتی تقی عثمانی کے ذریعے افغانستان کے طلبہ کو تعلیمی سہولیات فراہم کرنے کی پیشکش کی۔
اعلامیے کے مطابق صدر مملکت نے افغان طلبہ کو آن لائن تعلیمی سہولیات اور ورچوئل یونیورسٹی کے ذریعے تعلیمی سہولیات کی پیشکش کا اعادہ کیا۔
صدر مملکت عارف علوی کا کہنا تھا کہ افغانستان میں تعلیمی مواد ٹیلی ویژن کے ذریعے طلبہ تک پہنچایا جا سکتا ہے، افغانستان میں خواتین کی تعلیم کیلئے خصوصی انتظامات کیے جاسکتے ہیں، اسلام میں خواتین کی تعلیم پر کوئی پابندی نہیں۔
