پاکستان کا نیا آرمی چیف سیاست سے دور اور ملک کا وفادار ہوگا۔شیخ رشید احمد

راولپنڈی: سابق وفاقی وزیرِ داخلہ شیخ رشید احمد نے کہا ہے کہ پاک فوج نے سمری ارسال کرکے دور اندیشی کا ثبوت دیا، پاکستان کا نیا آرمی چیف سیاست سے دور اور ملک کا وفادار ہوگا۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ آرمی چیف کی تعیناتی کیلئے سمری آگئی ہے۔ سارے نام شامل کرکے ادارے نے دور اندیشی کا ثبوت دیا۔

یہ بھی پڑھیں:

آرمی چیف کی تعیناتی کا حق صرف وزیر اعظم کو ہے، شاہد خاقان عباسی

ٹوئٹر پیغام میں سابق وزیرِ داخلہ شیخ رشید نے کہا کہ اب کسی کی پسند ناپسند کا نہیں، میرٹ کا سوال ہوگا۔ جو بھی آرمی چیف آئے گا، وہ سیاست سے دور ملک اور اپنے ادارے کا وفادار ہوگا۔

پیغام میں عوامی لیگ کے سربراہ نے کہا کہ نیا آرمی چیف پاکستان کی تباہ حال معیشت کو سہارا دینے کی کوشش کرے گا۔ نواز شریف نے جس کو بھی آرمی چیف تعینات کیا، اسی سے جوڈو کراٹے کیے۔

تعنیاتی کےلیےسمری آگئی ہےسارےنام شامل کرکےادارےنےدوراندیشی کاثبوت دیاہےاب کسی کی پسندناپسندکانہیں میرٹ کاسوال ہوگاجوبھی آرمی چیف آئےگاوہ سیاست سے دورملک اوراپنےادارےکاوفادارہوگا تباہ حال معیشت کوسہارا دینے کی کوشش کرےگانوازشریف نے جس کو بھی تعینات کیااُسی سےجوڈوکراٹےکیے

— Sheikh Rashid Ahmed (@ShkhRasheed) November 23, 2022

خیال رہے کہ اس سے قبل اپنے ایک اور ٹوئٹر پیغام میں سابق وزیرِ داخلہ شیخ رشید احمد نے کہا کہ جب تک نئے آرمی چیف کی تعیناتی کا مسئلہ حل نہیں ہوتا، سیاست میں ٹھہراؤ نہیں آئے گا۔

سابق وزیرِ داخلہ شیخ رشید کا اپنے ٹوئٹر پیغام میں کہنا تھا کہ نگراں حکومت کی مدت نہیں بڑھ سکتی۔ 26 نومبر کو 2 بجے راولپنڈی عمران خان کے لانگ مارچ کا تاریخی استقبال کرے گا۔