راجہ ریاض کو عہدے سے ہٹانے کی درخواست، لاہورہائیکورٹ نے نوٹسز جاری کردئیے

ایڈووکیٹ اظہر صدیق کی جانب سے دائر کی گئی درخواست  میں کہا گیا تھا کہ راجہ ریاض کو پی ٹی آئی کی مشاورت کے بغیر اپوزیشن لیڈر مقرر کیا گیا جو اب بھی مقننہ کی سب سے بڑی جماعت ہے۔درخواست میں وفاقی حکومت، وزیراعظم اور اسپیکر قومی اسمبلی  کو فریق بنایا گیا ہے۔

درخواست گزار نے مؤقف اختیار کیا کہ راجہ ریاض کو اپوزیشن لیڈر بنانا اسمبلی رولز کی خلاف ورزی ہے۔ انہوں نے عدالت سے استدعا کی کہ راجہ ریاض کو اپوزیشن لیڈر کے عہدے سے ہٹانے کا حکم دیا جائے۔ لاہور ہائیکورٹ نے مقدمے کی سماعت کے دوران اہم پہلوؤں پر غور کیا۔