گوگل نیوز پر ہمیں فالو کریںپاکستان پیپلز پارٹی (پی پی پی) کے رہنما اور سابق رُکن صوبائی و قومی اسمبلی نبیل گبول کی جانب سے پوڈ کاسٹ شوز میں خواتین کے بارے میں غیر اخلاقی گفتگو کی اُن کی پارٹی نے شدید مذمت کی ہے۔
سماجی رابطوں کی ویب سائٹ ٹوئٹر پر نبیل گبول کی ایک ویڈیو وائرل ہوئی جس میں وہ معروف پوڈ کاسٹ ہوسٹ شہزاد غیاث کے شو میں خواتین کے بارے میں نازیبا خیالات کا اظہار کررہے ہیں۔
ویڈیو میں نبیل گبول کو ریپ جیسے سنگین مسئلے کا مذاق اڑاتے اور متاثرہ خواتین کو ریپ سے محظوظ ہونے جیسی نازیبا گفتگو کرتے دیکھا جاسکتا ہے۔
اُن کی یہ ویڈیو سوشل میڈیا پر بہت زیادہ وائرل ہورہی ہے اور اُس پر شدید ردعمل دیکھنے میں آرہا ہے، پیپلز پارٹی کے رہنماؤں کی جانب سے بھی اس کی سخت مذمت کی جارہی ہے۔
Could someone please tell me this politician’s name (the one being interviewed?) He’s from PPP. Whoever he is, he’s got the sickest mind ever. He just said ‘When r*pe is imminent, just enjoy it’. What a sick, sick mind. If people like him ended up making our policies & laws, r*pe… pic.twitter.com/6B5rbalMkZ
— Muneeb Qadir (@muneebqadirmmq) April 2, 2023
ٹوئٹر پر منیب قادر نے نبیل گبول کی ویڈیو شیئر کرتے ہوئے لکھا کہ کیا کوئی مجھے اس سیاست دان کا نام بتاسکتا ہے جس کا انٹرویو ہو رہا ہے۔ اس کا تعلق پی پی پی سے ہے۔ اس نے کہا ہے کہ جب ریپ روکنا ممکن نہ ہو تو اس سے محظوظ ہو۔ کتنی شرمناک سوچ ہے۔ اگر ایسے لوگ ہماری پالیسی بنانے لگ جائیں تو ریپ کو جرم ہی نہ سمجھا جائے۔ ایسے گندے بیانات پہلے کبھی نہیں سنے۔
Deeply troubling and unacceptable for politicians like Nabeel Gabol to make light of rape. Such behavior is not only insensitive and offensive but also perpetuates harmful and dangerous attitudes towards sexual violence. @PPP_Org @BBhuttoZardari pic.twitter.com/01Z5GCfSWc
— Nighat Dad (@nighatdad) April 2, 2023
نبیل گبول کی اس ویڈیو پر نگہت داد نے کہا کہ نبیل گبول جیسے سیاست دانوں سے ریپ پر مذاق سن کر شدید دکھ ہوا۔ ایسا رویہ نہ صرف غیر حساس اور جارحانہ ہے بلکہ یہ خطرناک اور نقصان دہ جنسی تشدد کی طرف بھی ابھارتا ہے۔
اس ویڈیو کے علاوہ نبیل گبول کی مشہور پوڈ کاسٹر نادر علی کے ساتھ بھی ایک ویڈیو وائرل ہے جس میں وہ دونوں گزشتہ برس سوشل میڈیا پر ’میرا دل یہ پکارے آ جا‘ گانے پر ڈانس سے وائرل ہونے والی لڑکی عائشہ کا بھی مذاق اُڑا رہے ہیں۔
ویڈیو میں نبیل گبول نادر علی سے اس لڑکی کا پتا پوچھتے ہیں اور نمبر مانگتے ہیں اور مذاق کرتے ہیں، جس پر نادر علی انہیں یقین دلاتے ہیں کہ وہ انہیں نمبر دیں گے۔
اس حوالے سے خواتین کے حقوق کے لیے سرگرم تنظیم عورت مارچ نے بھی مذمتی ٹویٹس کی ہیں۔
The comments by Nabeel Gabol making rape jokes and sexualising women politicians render him unfit for any position of power, yet he has served in the national and provincial assemblies, and remains a member of a mainstream political party, the PPP. 1/4
— عورت مارچ لاہور – Aurat March Lahore (@AuratMarch) April 3, 2023
عورت مارچ لاہور کے ہینڈل کے مطابق نبیل گبول کی جانب سے ریپ پر لطیفے بنانے اور خواتین سیاست دانوں پر جنسی تبصرے انہیں کسی بھی عہدے کے لیے نااہل کرتے ہیں، لیکن اس کے باوجود وہ قومی اور صوبائی اسمبلیوں میں رہ چکے ہیں اور ایک مقبول پارٹی کے رُکن ہیں۔
