گوگل نیوز پر ہمیں فالو کریںپاکستان میں سونے کی قیمتوں میں جمعرات کو مزید اضافہ دیکھنے کو ملا، جو بین الاقوامی مارکیٹ میں بڑھتی ہوئی قیمتوں کے رجحان کی عکاسی کرتا ہے۔
مقامی مارکیٹ میں فی تولہ سونے کی قیمت 1300 روپے بڑھ کر 2لاکھ 78ہزار 300 روپے تک پہنچ گئی۔
اسی طرح 10 گرام سونے کی قیمت میں 1ہزار 114 روپے کا اضافہ ہوا، جس کے بعد یہ 2لاکھ 38ہزار 597 روپے ہو گئی، یہ اعداد و شمار آل پاکستان جیمز اینڈ جیولرز صرافہ ایسوسی ایشن کے مطابق ہیں۔
بدھ کے روز بھی سونے کی قیمت میں 1000 روپے اضافہ ہوا تھا، جس کے بعد قیمت 277000 روپے فی تولہ پر آ گئی تھی۔
بین الاقوامی مارکیٹ میں بھی جمعرات کو سونے کی قیمت میں اضافہ ہوا۔ آل پاکستان جیمز اینڈ جیولرز صرافہ ایسوسی ایشن کے مطابق عالمی مارکیٹ میں فی اونس سونا 2665 ڈالر تک پہنچ گیا جس میں 20 ڈالرز کا پریمیم شامل ہے اور دن کے دوران 13 ڈالر کا اضافہ دیکھنے میں آیا۔
جاپان کا پاکستان سے آٹو امپورٹ پر پابندیاں ختم کرنے کا مطالبہ
دوسری جانب چاندی کی قیمت میں کوئی تبدیلی نہیں ہوئی اور یہ 3350 روپے فی تولہ پر مستحکم رہی۔
