گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے پیش گوئی کی ہے کہ نئے سال میں خوشیاں، خوشخبریاں اور خوشحالیاں آئیں گی۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ نیا سال قومی ترقی، معاشی استحکام، عوامی فلاح اور خاص طور پر عام آدمی کی خوشحالی کا سال ہوگا۔
معاونِ خصوصی اطلاعات فردوس عاشق اعوان نے کہا کہ پاکستان کے عوام نے جن مشکلات کا سامنا کیا، ان کے بعد اب خوشیوں اور خوشبریوں کا وقت آرہا ہے۔ ان شاء اللہ عوام کی امیدیں اور امنگیں پوری ہوں گی۔
نیا سال قومی ترقی، معاشی استحکام،عوامی فلاح اور خصوصاً عام آدمی کی خوشحالی کا سال ہو گا۔پاکستان کے عوام نے جن مشکل حالات کا سامنا کیا اب انکی زندگیوں میں خوشیوں،خوشخبریوں اور خوشحالی کا وقت آرہا ہے۔انشاءاللہ انکی امیدیں اور امنگیں پوری ہوں گی۔
— Dr. Firdous Ashiq Awan (@Dr_FirdousAwan) January 1, 2020
ڈاکٹر فردوس عاشق اعوان نے کہا کہ وزیراعظم عمران خان نے مشکل اور جراتمندانہ فیصلوں سے ملکی معیشت درست سمت پر ڈال دی ہے۔فیصلوں کے ثمرات آنے والے ماہ و سال میں عوام تک پہنچیں گے۔
فردوس عاشق اعوان نے نئے سال کی آمد کے موقعے پر اللہ تعالی سے دُعا کی کہ نیا سال پاکستان اور دنیا بھر میں بسنے والوں کے لیے امن اور سلامتی لائے۔
وزیراعظم عمران خان نے مشکل اور جراتمندانہ فیصلوں سے ملکی معیشت درست سمت پر ڈال دی ہے۔ان فیصلوں کے ثمرات آنے والے ماہ و سال میں عوام تک پہنچیں گے۔اللہ تعالی سے دعا ہے کہ نیا سال پاکستان اور دنیا بھر میں بسنے والوں کے لیے امن اور سلامتی لائے۔ آمین
— Dr. Firdous Ashiq Awan (@Dr_FirdousAwan) January 1, 2020
یاد رہے کہ اس سے قبل وزیراعظم کی معاون خصوصی ڈاکٹر فردوس عاشق اعوان نے کہا کہ نیب آرڈیننس کا معاملہ پارلیمنٹ میں زیر بحث آئے گا جس پر اپوزیشن کی تجاویز کا خیر مقدم کریں گے جبکہ نیا سال 2020ء عوام کی ترقی اور خوشحالی کا سال ہوگا۔
وزیراعظم کی زیرصدارت وفاقی کابینہ کے اجلاس کے بعد گزشتہ روز میڈیا کو بریفنگ دیتے ہوئے معاون خصوصی برائے اطلاعات و نشریات فردوس عاشق اعوان نے کہاکہ اجلاس میں 9نکاتی ایجنڈے پر غور کیا گیا،اجلاس میں مجموعی سیاسی اور معاشی صورتحال کا جائزہ لیا گیا۔
مزید پڑھیں: نئے سال مزید سہولیات کا اعلان ہوگا، فردوس عاشق اعوان
