گوگل نیوز پر ہمیں فالو کریںصدرِ آزاد کشمیر سردار مسعود خان نے وفاقی وزیر برائے قومی تحفظِ خوراک و تحقیق فخر امام سے ملاقات کی جس کے دوران مسئلۂ کشمیر پر گفتگو ہوئی۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ میں نے وفاقی وزیر سیّد فخر امام سے ملاقات کے دوران ان کا شکریہ ادا کیا کیونکہ انہوں نے مسئلۂ کشمیر پر ہمیشہ مضبوط دلائل پیش کیے۔
پیغام میں وفاقی وزیر سیّد فخر امام کی کارکردگی کو سراہتے ہوئے سردار مسعود خان نے کہا کہ کشمیر کمیٹی کے چیئرمین کی حیثیت سے فخر امام نے کشمیر کاز پر ہمارے مؤقف کی بھرپور ترجمانی کی جبکہ اس موقعے پر گفتگو کرتے ہوئے سیّد فخر امام نے صدرِ آزاد کشمیر کو اپنے تعاون کا یقین دلایا۔
گفتگو کے دوران وفاقی وزیر فخر امام نے کہا کہ وفاقی حکومت تحفظِ خوراک کے حوالے سے آزاد جموں و کشمیر کے عوام کے ساتھ ہے جبکہ کورونا وائرس جیسی عالمی وباء سے جنگ اور لاک ڈاؤن کے دوران ہم آزاد کشمیر سے تعاون جاری رکھیں گے۔
Met and thanked Syed Fakhar Imam, @FakharImamPTI, Federal Minister for National Food Security and Research, for his strong advocacy of the Kashmir cause as Chairman Kashmir Committee. He said all-out support will be given to AJK for food security as it fights #Coronavirus. pic.twitter.com/PU5Cwppfdw
— Masood Khan (@Masood__Khan) April 23, 2020
