گوگل نیوز پر ہمیں فالو کریںشہرِ قائد میں صفائی کی مہم کے دوران ضلع وسطی سے کچرہ ہٹایا جارہا ہےجس کا سہرا ترجمان سندھ حکومت بیرسٹر مرتضیٰ وہاب نے ایڈمنسٹریٹر کراچی کے سر سجا دیا۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ کراچی میں ضلع وسطی کے متعدد علاقوں کو کوڑے کرکٹ سے صاف کردیا گیا ہے اور مہینوں پرانا کچرا اب اسی ڈی ایم سی سنٹرل کی ٹیم اور مشینری نے صاف کیا جو ایک بار پہلے یہ کہہ چکے کہ ہمارے پاس وسائل نہیں ہیں۔
پیغام میں ترجمان سندھ حکومت مرتضیٰ وہاب نے کہا کہ آج مشینری بھی وہی ہے، وسائل بھی وہی ہیں لیکن ایڈمنسٹریٹر کراچی تبدیل ہوگیا ہے اور شہرِ قائد کے عوام فرق دیکھ سکتے ہیں۔ ضلع وسطی کی صفائی مہم کا سہرا ایڈمنسٹریٹر کراچی افتخار شالوانی کے سر جاتا ہے۔
Various areas of District Central have been cleared & months old garbage has now been cleared by the same DMC Central team & machinery that once said we dont have the resources. Same machinery, same resources but a different administrator & one can see the difference pic.twitter.com/ipJgbl3Tgc
— Murtaza Wahab Siddiqui (@murtazawahab1) September 14, 2020
یاد رہے کہ اِس سے قبل سندھ حکومت کی طرف سے سابق کمشنر کراچی افتخار شالوانی کو شہر کا ایڈمنسٹریٹر تعینات کرنے پر شہرِ قائد کے عوام کا ردِ عمل سامنے آگیا۔
عوام کا 6 روز قبل کہنا تھا کہ کمشنر کراچی کی حیثیت سے افتخار شالوانی ناکام ترین رہے۔ کراچی کی ڈھائی کروڑ آبادی میں مختلف علاقوں میں کیے گئے 100 کے لگ بھگ افراد سے سروے میں شہریوں نے افتخار شالوانی کے خلاف شدید ردِ عمل ظاہر کیا۔
مزید پڑھیں: افتخار شالوانی کو ایڈمنسٹریٹرکراچی تعینات کرنے پر عوام کا ردِ عمل
