اسلام آباد:نارووال اسپورٹس سٹی کیس میں پاکستان مسلم لیگ ن کے رہنما ء احسن اقبال کا نام ای سی ایل میں ڈال دیا گیا۔
وزارت داخلہ نے مسلم لیگ ن کے رہنماء احسن اقبال کا نام نیب کی درخواست پر نام ای سی ایل میں شامل کیا ہے، وفاقی کابینہ نے نام ایگزٹ کنٹرول لسٹ میں ڈالنے کی منظوری دیدی۔
احتساب عدالت میں احسن اقبال کیخلاف نارووال اسپورٹس سٹی کیس چل رہا ہے۔ اس ضمن میں وزارت داخلہ نے نیب کی درخواست وفاقی کابینہ کو ارسال کی اور کابینہ سے سرکولیشن کے ذریعے سمری کی منظوری لی گئی۔
خیال رہے کہ مسلم لیگ ن کے سیکریٹری جنرل احسن اقبال کے خلاف نارووال اسپورٹس کمپلیکس کا کیس احتساب عدالت میں زیرسماعت ہے جبکہ اس کیس میں وہ ہائیکورٹ سے ضمانت پر ہیں۔
قومی احتساب بیورو نے سابق وزیر داخلہ و مسلم لیگ (ن) کے جنرل سیکریٹری احسن اقبال کا نام ایگزٹ کنٹرول لسٹ میں ڈالنے کی سفارش کی تھی،نیب کی جانب سے وزارت داخلہ کو لکھے گئے خط میں موقف اختیار کیا گیا تھاکہ احسن اقبال کا ای سی ایل میں ڈالا جائے تاکہ وہ بیرون ملک فرار نہ ہو جائیں۔
گوگل نیوز پر ہمیں فالو کریں
