گوگل نیوز پر ہمیں فالو کریںکراچی: وفاقی وزیر برائے بحری امور علی حیدر زیدی نے وزیرِ تعلیم و محنت سندھ سعید غنی پر الزام لگایا ہے کہ انہوں نے ایس پی رضوان احمد کے خلاف کمیٹی قائم کرنے کیلئے وزیرِ اعلیٰ سندھ مراد علی شاہ پر دباؤ ڈالا۔
سماجی رابطے کی ویب سائٹ ٹوئٹ پر اپنے پیغام میں وزیرِ بحری امور علی زیدی نے کہا کہ اگر ایس پی رضوان احمد کی منشیات اِدھر سے اُدھر کرنے والے صوبائی وزیر سعید غنی کے بھائی کے خلاف رپورٹ غلط تھی تو صوبائی وزیر نے رضوان احمد پر ہتکِ عزت کا مقدمہ کیوں نہیں کردیا؟
وفاقی وزیر علی زیدی نے کہا کہ سعید غنی نے اپنا اثر رسوخ استعمال کرتے ہوئے وزیرِ اعلیٰ سندھ پر دباؤ ڈالا تاکہ وہ ایس پی کے خلاف تادیبی اقدامات اٹھانے کیلئے کمیٹی کا قیام عمل میں لائیں جبکہ افسوس کے ساتھ کہنا پڑتا ہے کہ وزیرِ اعلیٰ سندھ نے خوشی خوشی یہ کام کردیا۔
If SP Rizwan Ahmad’s report on Saeed Ghani’s drug peddling brother was wrong, then why not file defamation case on him?
But Saeed Ghani uses his influence to pressure the CM to set up a committee against the SP & take vindictive actions.
Sadly, the CM happily obliged! pic.twitter.com/RmzIDvOYog— Ali Haider Zaidi (@AliHZaidiPTI) July 30, 2020
یہ بھی پڑھیں: مجرموں کو وزیر بنانے کا یہ نتیجہ نکلتا ہے۔علی زیدی
