گوگل نیوز پر ہمیں فالو کریںلاہور: وزیرِ اعلیٰ پنجاب کورونا وائرس سے صحتیاب ہو گئے، سردار عثمان بزدار نے وزیرِ اعلیٰ آفس کی ذمہ داریاں آج سے سنبھال لی ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ کورونا سے صحتیابی کے بعد وزیرِ اعلیٰ پنجاب سردار عثمان بزدار نے آج سے حکومتی امور کی انجام دہی کیلئے وزیرِ اعلیٰ آفس کی ذمہ داریاں سنبھال لی ہیں۔
معاونِ خصوصی فردوس عاشق اعوان نے کہا کہ وزیرِ اعلیٰ پنجاب سردار عثمان بزدار ترقی کا سفر جاری رکھتے ہوئے عوامی فلاح و بہبود کے منصوبوں اور دیگر اہم امور کا جائزہ لیں گے۔
کورونا سے صحت یابی کے بعد وزیراعلی پنجاب سردار عثمان بزدار نے آج سے حکومتی امور کی انجام دہی کیلئے وزیراعلی آفس میں ذمہ داریاں سنبھال لی ہیں۔ وزیراعلی پنجاب ترقی کا سفر جاری رکھتے ہوئے عوامی فلاح و بہبود کے منصوبوں اور دیگر اہم امور کا جائزہ لیں گے۔
— Dr. Firdous Ashiq Awan (@Dr_FirdousAwan) January 11, 2021
یاد رہے کہ اِس سے قبل وزیراعلیٰ پنجاب عثمان بزدار نے طبیعت کی ناسازی کے باعث اپنا کورونا وائرس کا ٹیسٹ کروایا، جس کا نتیجہ مثبت آگیا تھا۔
وزیراعلیٰ پنجاب عثمان بزدار کی طبیعت ناساز ہوگئی تھی جس کے بعد انہوں نے اپنا کورونا ٹیسٹ بھی کرایا جس کی رپورٹ کے مطابق ان کے کورونا وائرس سے متاثر ہونے کی تصدیق گزشتہ برس 21 دسمبر کو ہوئی تھی۔
مزید پڑھیں: وزیراعلیٰ پنجاب عثمان بزدار بھی کورونا میں مبتلا ہوگئے
