گوگل نیوز پر ہمیں فالو کریںکراچی: ترجمان سندھ حکومت بیرسٹر مرتضیٰ وہاب نے کہا ہے کہ ڈیفنس ہاؤسنگ اتھارٹی (ڈی ایچ اے) کے تقریباً تمام علاقوں سے بارش کا پانی نکال دیا گیا جبکہ عوام کی مدد کیلئے مزید کام جاری ہے۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ خیابانِ سحر 26 اسٹریٹ سے پانی کی نکاسی کے بعد ڈی ایچ اے تقریباً صاف اور ڈرائیونگ کے قابل ہے۔
پیغام میں ترجمان سندھ حکومت مرتضیٰ وہاب نے کہا کہ ہم چاہتے ہیں کہ پمپنگ مشینز کو بخاری کمرشل کی طرف لے کر جائیں لیکن بظاہر وہاں کوئی نالہ نہیں، اس لیے مسئلے کے حل کیلئے دوسرا راستہ تلاش کر رہے ہیں۔
ترجمان سندھ حکومت مرتضیٰ وہاب نے کہا کہ بخاری کمرشل سے بارش کے پانی کی نکاسی کیلئے ہمیں قرب و جوار میں کوئی نالہ تلاش کرنا ہوگا۔ پوری کوشش کر رہے ہیں کہ مشکلات میں پھنسے عوام کی مدد کی جائے۔
After Kh e Sehr, 26th street, DHA is almost clear & motorable now. We want to move pumping machines to Bukhari commercial but apparently there is no disposal drain over there so we are working to find a way or the nearest drain to dispose the water. Trying our best to help
— Murtaza Wahab Siddiqui (@murtazawahab1) August 30, 2020
یاد رہے کہ اِس سے قبل کراچی میں بارش کا سلسلہ تھم گیا ، سڑکوں اور گلیوں میں کھڑا پانی نکالنے کے دوران نکاسئ آب کا نظام تباہ ہوگیا۔
بارش سے ہونے والی تباہ کاریوں پر گزشتہ روز شہری پہلے ہی پریشان نظر آئے جبکہ شہر بھر میں ابلتے ہوئے گٹر اور سیوریج لائنوں کے مسائل نے سر اٹھانا شروع کردیا۔
مزید پڑھیں: کراچی سے بارش کا پانی نکالنے کا کام جاری، نکاسئ آب کا نظام تباہ
