گوگل نیوز پر ہمیں فالو کریںاسلام آباد: زیرِ تعلیم بچوں کے والدین نے وفاقی وزیرِ تعلیم شفقت محمود سے بچوں کے بارے میں سوال پوچھ پوچھ کر انہیں پریشان کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ مملکت برائے تعلیم شفقت محمود نے کہا کہ مجھے بچوں کے والدین سے مختلف سوالات، پیغامات اور سوالات موصول ہو رہے ہیں۔ سوالات کا تعلق بچوں کے انفرادی معاملات سے ہے۔
وفاقی وزیر شفقت محمود نے کہا کہ امتحانات میں پروموشن کے حوالے سے انفرادی کیسز کے سوالات پوچھے جا رہے ہیں جبکہ میں تمام پاکستانی قوم کو آگاہ کرنا چاہتا ہوں کہ وفاقی سطح پر ہم نے پالیسی سازی کے فیصلے کیے ہیں جن کی سطح انفرادی معاملات سے بلند ہے۔
وزیرِ تعلیم شفقت محمود نے کہا کہ اگر آپ کو ایسے ہی سوالات پوچھنے ہیں تو متعلقہ تعلیمی بورڈز سے رابطہ کیجئے۔ امتحانات میں ترقی کے حوالے سے تعلیمی بورڈز ہی انفرادی کیسز کی سطح پر آپ کو جواب دے سکتے ہیں۔
I am receiving many queries/questions regarding individual cases of students regarding exam promotions. I want to inform everyone that at the Federal level we have taken broad policy decisions. For answers to Individual questions students may approach the concerned Boards
— Shafqat Mahmood (@Shafqat_Mahmood) May 17, 2020
