عمران خان دوبارہ وزیر اعظم کا حلف چند ہفتوں بعد اٹھائیں گے۔فیصل جاوید

اسلام آباد: پاکستان تحریکِ انصاف کے سینیٹر فیصل جاوید خان نے کہا ہے کہ عمران خان دوبارہ وزیر اعظم کا حلف چند ہفتوں بعد اٹھائیں گے جبکہ قوم اپنے حق کیلئے امپورٹڈ حکومت کے خلاف نکل رہی ہے۔

تفصیلات کے مطابق عمران خان کے اگلے جلسے کا اعلان کرتے ہوئے پی ٹی آئی سینیٹر فیصل جاوید خان نے کہا کہ اب باری ہے کراچی کی۔ جس طرح یہ قوم اپنے حق کیلئے امپورٹڈ حکومت کے خلاف نکل رہی ہے۔ اس سے واضح ہے کہ انتخابات ناگزیر ہیں۔

یہ بھی پڑھیں:

وزیر اعظم آزاد کشمیر کا اقدام، عدم اعتماد جمع کرانیوالے 4 وزراء عہدوں سے فارغ

اب باری ہے کراچی کی!! ماشاءاللہ جسطرح یہ قوم اپنےحق کےلیےامپورٹڈ حکومت کیخلاف نکل رہی ہے اس سےواضح ہے کہ پاکستان میں اب جلد انتخابات ناگزیر ہو گئے-قوم کی آواز-فوری انتخابات-انشاء اللہ اگر عوام کا ساتھ ایسا رہا توآج سےچند ہفتوں بعد عمران خان وزیراعظم پاکستان کادوبارہ حلف اٹھائینگے

— Faisal Javed Khan (@FaisalJavedKhan) April 14, 2022

سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ ملک میں جلد انتخابات ناگزیر جبکہ فوری انتخابات قوم کی آواز ہیں۔ اگر عوام کا ساتھ ایسا رہا تو آج سے چند ہفتوں بعد عمران خان وزیر اعظم کا حلف دوبارہ اٹھائیں گے۔ 

خیال رہے کہ رواں ماہ کے آغاز سے ہی پاکستان سیاسی بحران کا شکار رہا ہے۔ چیئرمین پی ٹی آئی عمران خان کے خلاف تحریکِ عدم اعتماد گزشتہ ماہ کی ابتدا میں جمع کرائی گئی جس پر ووٹنگ کا عمل تاخیر کا شکار رہا۔ 

تحریکِ انصاف کی حکومت میں شامل وفاقی وزراء اور پی ٹی آئی سینیٹر فیصل جاوید خان نے متعدد مواقع پر 5 سالہ مدت پوری کرنے کے دعوے کیے تاہم 2 روز قبل شہباز شریف نے ملک کے نئے وزیر اعظم کے طور پر حلف اٹھا لیا۔