گوگل نیوز پر ہمیں فالو کریںاسلام آباد: سابق وزیرِ اطلاعات فواد چوہدری نے عمران خان کی آڈیو لیک پر ردِ عمل دیتے ہوئے سوال اٹھایا ہے کہ کیا آوازیں جوڑ کر این آر او 2 کو جائز ثابت کیا جاسکتا ہے؟
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ کیا اِس طرح آوازیں جوڑ کر آپ این آر او 2 کو جائز ثابت کر لیں گے؟ یہ نہیں ہوگا۔
میں اپنی طرف سے کئی چالیں چل رہا ہوں۔عمران خان کی ایک اور آڈیو لیک
ٹوئٹر پیغام میں فواد چوہدری نے کہا کہ یہ آڈیوز جہاں بن رہی ہیں، ان کا بھی لوگوں کو پتہ ہے اور کیسے بن رہی ہیں، ان کا بھی۔ اب فیصلہ حقیقی آزادی مارچ کرے گا۔
کیا اس طرح آوازیں جوڑ کر آپ #NRO22 کو جائز ثابت کر لیں گے؟ یہ نہیں ہونا یہ آڈیوز جہاں بن رہی ہیں ان کا بھی لوگوں کو پتہ ہے اور کیسے بن رہی ہیں ان کا بھی، اب فیصلہ #حقیقی_آزادی_مارچ کرے گا
— Ch Fawad Hussain (@fawadchaudhry) October 7, 2022
سابق وفاقی وزیر فواد چوہدری نے سینیٹر سیف اللہ نیازی کی گرفتاری کی مذمت کرتے ہوئے کہا کہ سینیٹ کے احاطے سے سینیٹر کو اٹھا لیا گیا؟ ملک میں اتنی بڑی فسطائیت کبھی نازل نہیں ہوئی۔
پی ٹی آئی رہنما فواد چوہدری نے کہا کہ پارلیمنٹ کی اس سے زیادہ توہین نہیں ہوسکتی۔ کم از کم چیئرمین سینیٹ غیر کا مظاہرہ کریں اور سینیٹر سیف اللہ نیازی کی گرفتاری کا نوٹس لیں۔
سینٹ کے احاطے سے سینیٹر کو اٹھا لیا گیا؟ ملک میں اتنی بڑی فسطائیت کبھی نازل نہیں ہوئ، اس سے زیادہ توھین پارلیمنٹ کی ہو نہیں سکتی، چیئرمین سینٹ کم از کم غیرت کا مظاہرہ کریں اور اس عمل کا نوٹس لیں https://t.co/q5x0OErFUz
— Ch Fawad Hussain (@fawadchaudhry) October 7, 2022
خیال رہے کہ اس سے قبل سابق وزیر اعظم عمران خان کی آڈیو لیک ہوئی جس میں انہیں یہ کہتے سنا جاسکتا ہے کہ میں اپنی طرف سے کئی چالیں چل رہا ہوں۔ آڈیو سے تاثر دیا گیا کہ عمران خان ہارس ٹریڈنگ میں ملوث تھے۔
