گوگل نیوز پر ہمیں فالو کریںاسلام آباد: پی ڈی ایم کے سربراہ مولانا فضل الرحمان نے سینیٹ انتخاب میں اپوزیشن کے امیدوار سید یوسف رضا گیلانی کو کامیابی پر مبارکباد دیتے ہوئے کہا ہے کہ جعلی وزیراعظم اکثریت کھوچکے ہیں۔
سینیٹ الیکشن پر اپنا ردعمل دیتے ہوئے مولانا فضل الرحمان کا کہنا تھا کہ جعلی وزیر اعظم کو آج ہی فوری طور پر مستعفی ہو جانا چاہئے۔ سلیکٹڈ اور جعلی وزیراعظم اپنے ہی ارکان کا اعتماد کھو چکے ہیں۔
جے یو آئی ف کے سربراہ کا کہناتھا کہ آج ہمارے موقف کی تصدیق ہوگئی کہ 2018 کا مینڈیٹ جعلی تھا۔ پی ڈی ایم کی تحریک کے دوران عوام پہلے ہی سلیکٹڈ وزیراعظم اور جعلی حکومت کو مسترد کر چکی ہے۔
یہ بھی پڑھیں: اب یوسف رضا گیلانی کو چیئرمین سینیٹ منتخب کرائیں گے، بلاول بھٹو
