آئی جی سندھ نے گاڑیاں خریدنے کیلئے 80 کروڑ روپے مانگ لیے

کراچی: آئی جی سندھ نے پولیس کی گاڑیاں خریدنے کیلئے 80 کروڑ روپے مانگ لیے، محکمۂ داخلہ کی طرف سے سمری وزیر اعلیٰ سندھ کو بھیج دی گئی ہے۔

تفصیلات کے مطابق اربوں روپے مالیت کی پولیس کی گاڑیاں خریدنے کیلیئے محکمہ داخلہ نے سمری تیار کرکے وزیراعلیی سندھ کو بھیج دی، سمری آئی جی سندھ کی درخواست پر سیکرٹری محکمہ داخلہ سندھ منگنیجو نے تیار کی ہے۔

سمری میں بتایا گیا ہے کہ موجودہ مالی سال کے دوران سندھ پولیس کی گاڑیاں خریدنے کے لیے 17 کروڑ روپے سے زائد کی رقم جاری ہوچکی ہے تاہم پولیس کی گاڑیاں خریدنے کے لیے مزید ایک ارب 62 کروڑ روپے سے زائد کی رقم کی ضرورت ہے۔

مزید براں سمری کے مطابق رواں مالی سال کے دوران مجموعی طور پر 541 گاڑیوں کی خریداری کا ہدف ہے، پولیس کیلئے خریدی جانے والی گاڑیوں میں ریوو، یارس سمیت ڈبل کیبن لینڈ کروزر بھی شامل ہیں۔

مزید پڑھیں:کراچی میں مختلف حادثات، خاتون اور بچے سمیت 6افراد جاں بحق

علاوہ ازیں آئی جی سندھ  نے پولیس کی گاڑیاں خریدنے کیلیئے ڈائریکٹ ٹینڈر دینے کی درخواست بھی کردی تاہم براہ راست کسی کمپنی کو ٹینڈر دینا پبلک پروکیورمنٹ رولز کے خلاف ہے۔