جماعتِ اسلامی کا کراچی میں بڑھتے ہوئے جرائم کے خلاف احتجاج کا اعلان

نئے سال کا آغاز ہوتے ہی کراچی میں چوری، ڈکیتی اور دیگر اسٹریٹ کرائمز میں ہوش ربا اضافہ دیکھنے میں آیا۔ صرف جنوری کے دوران ڈکیتی مزاحمت پر 10 افراد کو قتل کردیا گیا۔

فروری میں بھی اسٹریٹ کرائمز میں اضافہ دیکھنے میں آیا۔ جماعتِ اسلامی کا کہنا ہے کہ پولیس جرائم پر قابو پانے میں ناکام ہوچکی ہے۔ مجرموں کو پکڑ کر کیفرِ کردار تک پہنچایا جائے۔

امیر جماعتِ اسلامی کراچی آج نیو ٹاؤن میں دھرنے کے شرکاء سے خطاب کے دوران آئندہ کے سیاسی لائحۂ عمل کا اعلان کریں گے جس کا مقصد عوام کو جرائم سے نجات دلانا ہے۔