سندھ میں کورونا ٹیسٹ اس لیے کم کیے گئے تاکہ کیسز کم نکلیں۔تحریکِ انصاف

کراچی:پاکستان تحریکِ انصاف کے رکنِ سندھ اسمبلی عدیل احمد نے کہا ہے کہ سندھ میں کورونا وائرس کے ٹیسٹ اس لیے کم کیے گئے ہیں تاکہ کیسز کم نکلیں۔

سماجی  رابطے کی ویب سائٹ ٹوئٹر پر اپنے پیغام میں رکنِ سندھ اسمبلی نے چیئرمین پیپلز پارٹی پر تنقید کرتے ہوئے کہا کہ ماہرِ سائنسی علوم بلاول زرداری فرماتے ہیں کہ جب زیادہ ٹیسٹنگ ہوتا ہے تو زیادہ کورونا آتا ہے۔

رکنِ سندھ اسمبلی عدیل احمد نے کہا کہ اس لیے وزیرِ اعلیٰ سندھ مراد علی شاہ ٹیسٹنگ ہی نہیں کروا رہے تاکہ  کورونا وائرس کم آئے اور زیادہ نہ آئے۔

ماہر سائینسی علوم ڈاکٹر @BBhuttoZardari فرماتے ہیں

"جب زیادہ ٹیسٹنگ ہوتا ہے، تو زیادہ کرونا آتا ہے"

اسلئے مراد علی شاہ ٹیسٹنگ ہی نہیں کروا رہا تاکہ کرونا زیادہ نا آۓ

— Adeel Ahmed (@AdeelAhmedSays) April 9, 2020