محمود مولوی کی امریکی قونصل جنرل سے ملاقات، پاک امریکا تجارتی تعلقات پر گفتگو

کراچی: پاکستان تحریکِ انصاف کے رہنما محمود مولوی نے امریکی قونصل جنرل سے ملاقات کی ہے جس کے دوران پاک امریکا تجارتی تعلقات پر گفتگو ہوئی۔

تفصیلات کے مطابق پی ٹی آئی کے سینئر رہنما محمود مولوی نے امریکی قونصل جنرل نکول تھیریوٹ سے ملاقات کی جس کے دوران ملک کی موجودہ سیاسی صورتحال اور پاک امریکا تعلقات پر گفتگو ہوئی۔

Had a meeting with the US Consul General Nicole Theriot. Discussed present political Scenario & trade issues between both countries. She expressed serious concerns over recent issues created for soybean seeds imported from US, despite being imported for last many years. pic.twitter.com/tvJpYrzkwp

— Mahmood Moulvi (@MoulviMahmood) November 22, 2022

امریکی قونصل جنرل سے ملاقات کے دوران پاکستان اور امریکا کے مابین تجارتی معاملات پر تبادلۂ خیال کیا گیا۔ امریکی قونصل جنرل نے سویا  بین کے بیجوں کی امریکا سے درآمد پر پیش آنے والے حالیہ مسائل پر تشویش کا اظہار کیا۔

یہ بھی پڑھیں:

عمران خان سے محمود مولوی کی ملاقات

خیال رہے کہ اس سے قبل محمود مولوی نے سابق گورنر سندھ عمران اسماعیل کے ہمراہ پاکستان تحریک انصاف کے چیئرمین اور سابق وزیر اعظم پاکستان عمران خان سے  ملاقات کی تھی۔ اس موقع پر پی ٹی آئی رہنما زبیر گیلانی بھی موجود تھے۔

چیئرمین پی ٹی آئی عمران خان نے این اے 245سے نو منتخب ایم این اے محمود مولوی کو کامیابی حاصل کرنے پرجبکہ عمران اسماعیل کو کامیاب مہم چلانے پر مبارکباد دی تھی۔

سابق وزیر اعظم عمران خان نے کہا کہ این اے 245 کی مہم میں حصہ لینے والے تمام انصافین کو مبارکباد پیش کرتا ہوں، کراچی کے عوام نے ہمیشہ تحریک انصاف کا ساتھ دیا ہے۔