گوگل نیوز پر ہمیں فالو کریںملک بھر میں پیپلز پارٹی کا یومِ تاسیس آج منایا جارہا ہے۔ وزیرِ خارجہ و چیئرمین پی پی پی بلاول بھٹو زرداری نشتر پارک میں عوامی جلسے سے خطاب کریں گے۔
تفصیلات کے مطابق پیپلز پارٹی کراچی کے علاقے نشتر پارک میں یومِ تاسیس کے حوالے سے عوامی جلسہ منعقد کررہی ہے۔ جلسہ گاہ اور اطراف کے علاقوں کو پی پی پی کے پرچموں سے سجایا گیا ہے۔
عمران خان کے سوا کوئی اداروں کا سیاسی کردار نہیں چاہتا، قمر زمان کائرہ
شہرِ قائد کے مختلف علاقوں میں پیپلز پارٹی کے یومِ تاسیس کی مناسبت سے بینرز لگ گئے۔ پیپلز پارٹی نشتر پارک میں عوامی قوت کا مظاہرہ کرے گی۔ بلاول بھٹو زرداری سمیت دیگر پی پی پی قائدین خطاب کریں گے۔
جلسہ گاہ میں وزیر خارجہ و چیئرمین پیپلز پارٹی بلاول بھٹو زرداری سمیت دیگر رہنماؤں کی سکیورٹی کیلئے سخت انتظامات کیے گئے ہیں۔ پی پی پی رہنماؤں نے جلسہ گاہ کے دورے کے ساتھ ساتھ جلسے کی تیاریوں کا جائزہ لیا۔
یومِ تاسیس کے حوالے سے جلسے کیلئے تیاریاں جاری ہیں۔یومِ تاسیس کی مناسبت سے پیپلز پارٹی رہنماؤں نے کارکنان اور عوام کیلئے پیغامات جاری کردئیے اور عوام سے جلسے میں بھرپور شرکت کی اپیل کی ہے۔
Foundation Day celebrations at Nishtar Park, Karachi. #PPP pic.twitter.com/vfW00YEc4j
— SenatorSherryRehman (@sherryrehman) November 29, 2022
We are PPP We are Bhuttos. #FoundationDayPPP pic.twitter.com/8hG6P8GLQn
— Syed Nasir Hussain Shah (@SyedNasirHShah) November 28, 2022
چیئرمین پیپلز پارٹی بلاول بھٹو زرداری کا کہنا ہے کہ جب بھی پی پی پی کا یومِ تاسیس آتا ہے تو مجھے اپنے نانا ذوالفقار بھٹو اور والدہ بے نظیر بھٹو کی یاد آتی ہے۔ پاکستان کے عوام بھی میری طرح ہی ان سے محبت کرتے ہیں۔
#PPPFoundationDay always brings back fond memories of my grandfather and mother. Thought I should share these with you, the people of Pakistan, who love them the way I do. pic.twitter.com/a0QuIporwF
— Pakistan Peoples Party – PPP (@PPP_Org) November 29, 2022
واضح رہے کہ پیپلز پارٹی ملک کی پہلی سیاسی پارٹی تھی جو غیر جمہوری نظام کے خلاف سامنے آئی اور روٹی کپڑا اور مکان کا نعرہ دیا۔ سابق وزیر اعظم ذوالفقار علی بھٹو نے پی پی پی کی بنیاد رکھی تھی۔
