گوگل نیوز پر ہمیں فالو کریںپاکستانی شہری عثمان ارشد جو پیدل 4000 کلومیٹر کا سفر کرتے ہوئے سعودی عرب کے شہر مکہ مکرمہ پہنچے ہیں کو حج کی ادائیگی کے لیے قانونی اجازت مل گئی ہے۔
چھ مہینے قبل سعودی عرب کی طرف پیدل سفر شروع کرنے والے اوکاڑہ کے عثمان ارشد مختلف ممالک سے ہوتے ہوئے مکہ مکرمہ پہنچے، جس کے لیے انہیں کئی صعوبتیں بھی برداشت کرنا پڑیں۔
پاکستان سے روانگی کے وقت عثمان ارشد نے عمرے کا ویزہ حاصل کیا تھا، جبکہ حج کی ادائیگی کے لیے سعودی حکومت سے حج کا مخصوص ویزہ حاصل کرنا ضروری ہوتا ہے۔
مخصوص ویزے سے متعلق مشکل سعودی عرب پہنچنے پر ان کے سامنے آئی کیونکہ حج کی ادائیگی کی غرض سے مخصوص ویزہ انہیں نہیں مل رہا تھا، جس سے وہ بہت پریشان ہوئے۔
تاہم اب عثمان ارشد کو اس سال حج کا فریضہ ادا کرنے کے لیے مخصوص ویزہ مل گیا ہے جس کیلئے انہوں نے پاکستانی حکومت کا شکریہ ادا کیا۔
