گوگل نیوز پر ہمیں فالو کریںکراچی:حروں کے روحانی پیشوا پیر صاحب پگارا پیر سید صبغت اللہ شاہ،پیر سید صدر الدین شاہ راشدی اور پیر سید علی گوہر شاہ راشدی کی والدہ کی نماز جنازہ آج ادا کی جائے گی ۔
مرحومہ وہ گزشتہ کئی سالوں سے سرطان کے عارضے میں مبتلا تھیں اور اس عرصے میں وہ کبھی اسپتال اور کبھی گھر پر زیر علاج رہیں لیکن ان کی حالت نہ سنبھل سکی اورہفتہ کی صبح کراچی میں انتقال کرگئی تھیں، ان کی میت بذریعہ سڑک پیر جوگوٹھ روانہ کردی گئی ہے جہاں ان کی نماز جنازہ آج ادا کی جائے گی اور درگاہ شریف پیر جو گوٹھ کے آبائی قبرستان میں سپرد خاک کیا جائے گا۔
تدفین میں مرحومہ کے صاحبزادگان اور قریبی عزیز و اقارب ہی شریک ہوں گے۔اس سلسلے میں کنگری ہاؤس کے ترجمان کلیم اللہ وسان نے پیر صاحب پگارا کی ہدایت پر حر جماعت،قریبی رشتہ داروں،عقیدت مندوں اور دوستوں سیدرخواست کی ہے کہ وہ کورونا وائرس کی چوتھی لہر کے پیش نظر درگاہ شریف پیر جو گوٹھ آنے کی زحمت نہ کریں اور اپنے اپنے گھروں میں رہ کر دعائے مغفرت کریں۔
مرحومہ کی وفات کی خبر جنگل کی آگ کی طرح پھیل گئی اور پیر صاحب پگارا سے تعزیت کرنے والوں کی ٹیلی فون کالز کا کنگری ہاؤس اور راجہ ہاؤس میں تانتا بندھ گیا۔صوبائی وزیر اطلاعات وبلدیات سندھ سید ناصر حسین شاہ نے حروں کے روحانی پیشوا پیر صاحب پگارا کی والدہ کے انتقال پر افسوس کا اظہار کرتے ہوئے پیر صاحب پگارا سے تعزیت کا اظہار کیا ہے۔
مزید پڑھیں:کورونا سے مزید 27 اموات، 1980 نئے کیسز ریکارڈ
