گوگل نیوز پر ہمیں فالو کریںاسلام آباد: پاکستان تحریکِ انصاف کے مرکزی رہنما جاوید گردیزی کورونا وائرس میں مبتلا ہو کر انتقال کر گئے جس پر وزیرِ اعظم عمران خان نے افسوس کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے بدھ اور جمعرات کی درمیانی شب کہا کہ مجھے جاوید گردیزی کی کورونا کے باعث وفات کا بے حد افسوس ہے۔
پیغام میں وزیرِ اعظم عمران خان نے کہا کہ جاوید گردیزی نے 24 سال قبل تحریکِ انصاف میں شمولیت اُس وقت اختیار کی تھی جب ہم نے پارٹی کی بنیاد رکھی جبکہ وہ ایک دریا دل انسان تھے۔
وزیرِ اعظم عمران خان نے کہا کہ جب بھی جنوبی پنجاب میں سیاسی سرگرمیوں کیلئے میں ملتان جاتا تو جاوید گردیزی کے ہاں قیام کرتا تھا جو وسیع القلب میزبان تھے۔ جاوید گردیزی کے انتقال پر دل کی گہرائیوں سے میری دعائیں اور نیک تمنائیں ان کے لواحقین کے ساتھ ہیں۔
Saddened to learn of Javed Gardezi's death from COVID 19. He joined us when we formed our Party 24 years ago. He was a generous host when I used to stay with him in Multan during my South Punjab political tours. My heartfelt condolences and prayers go to his family. pic.twitter.com/sYd6vNzGl0
— Imran Khan (@ImranKhanPTI) November 25, 2020
یہ بھی پڑھیں: سابق وزیر ریلوے فقیر جادم منگریو انتقال کرگئے
