سینیٹر فیصل جاوید کی وزیر اعظم عمران خان کے کورونا میں مبتلا ہونے کی تردید

اسلام آباد: پاکستان تحریک انصاف کے سینیٹر فیصل جاوید خان نے وزیر اعظم عمران خان کے کورونا وائرس سے متاثر ہونے کی خبر کو بے بنیاد قرار دیا ہے ۔

پی ٹی آئی کے سینیٹر نے اپنے ٹویٹ میں لکھا ہے کہ وزیر اعظم عمران خان کے کورونا وائرس میں مبتلا ہونے کی خبروں میں کوئی صداقت نہیں ہے اور انہوں نے بے بنیاد افواہیں پھیلانے سے گریز کرنے کی اپیل کی ہے،۔

مزید پڑھیں: کورونا وائرس بے قابو، پاکستان میں کیسز کی تعداد 1373ہوگئی

اس سے قبل ایک بین الاقوامی ٹی وی چینل نے غلطی سے نیوز ٹِکر چلائے تھے جس میں یہ دعویٰ کیا گیا تھا کہ عمران خان کا کورونا وائرس کامثبت ٹیسٹ کیا گیا ہے ۔

پاکستان کے مختلف علاقوں میں 120 کے قریب نئے کیس رپورٹ ہونے کے بعد پاکستان میں کورونا وائرس کے کیسزکی تعداد آج 1373کے ہوگئی ہے ،پنجاب نے کورونا وائرس کے کیسزمیں سندھ کو پیچھے چھوڑ دیا ہے ۔