گوگل نیوز پر ہمیں فالو کریںکراچی: سندھ حکومت نے اعلان کیا ہے کہ رواں برس یکم اپریل تک اسکول بند ہونے کی خبروں میں کوئی صداقت نہیں جبکہ میڈیا کو اس قسم کی خبریں چلانے سے قبل تصدیق ضرور کر لینی چاہئے۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ سندھ میں اسکول یکم اپریل تک بند ہونے کی افواہیں غلط اور بے بنیاد ہیں۔
ترجمان سندھ حکومت بیرسٹر مرتضیٰ وہاب نے کہا کہ میں میڈیا سے درخواست کرتا ہوں کہ اس قسم کی خبریں نشر یا شائع کرنے سے قبل احتیاط سے کام لیں اور غلط خبریں نہ پھیلائیں۔
The rumour that schools in Sindh are going to be closed till 1st April is incorrect and false. I would request media to be careful circulating this news
— Murtaza Wahab Siddiqui (@murtazawahab1) March 3, 2020
یاد رہے کہ اس سے قبل ڈی جی پرائیویٹ انسٹیٹیوشنزنے آج کراچی کے 20 اسکولوں کی رجسٹریشن کو محکمہ تعلیم سندھ اور خواندگی کے احکامات کی خلاف ورزی پر معطل کردیا۔
نجی اداروں کی رجسٹرار رفیعہ جاوید نے انسپکشن ٹیم کے ہمراہ مختلف علاقوں کا دورہ کیا اور دو دن میں 50 اسکولوں کی رجسٹریشن معطل کرتے ہوئے بورڈ آف سیکنڈری ایجوکیشن کو اسکولوں کے خلاف کارروائی کی سفارش کی ہے۔
مزید پڑھیں: کراچی میں اسکول کھولنے پر 20 اسکولوں کی رجسٹریشن معطل
