گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے سیاسی ابلاغ ڈاکٹر شہباز گِل نے اپوزیشن لیڈر قومی اسمبلی شہباز شریف پر الزام عائد کیا ہے کہ انہیں کراچی میں دیکھ کر عوام نے چور چور کے نعرے لگائے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی ڈاکٹر شہباز گِل نے کہا کہ یہ عجب تماشا ہوا، چچا شوباز (شہباز شریف) کو دیکھ کر عوام چور چور کے نعرے لگانے لگے اور چچا کو پتلی گلی سے نکلنا پڑا۔
پیغام میں معاونِ خصوصی شہباز گِل نے کہا کہ امید کرتے ہیں چچا شو باز اب قومی احتساب بیورو (نیب) میں حاضری کیلئے فِٹ ہونے کے بعد بلاوے پر جھوٹی تاویلیں پیش نہیں کریں گے۔
یہ عجب تماشا ہوا، چچا شوباز کو دیکھ کر عوام چور چور کے نعرے لگانے لگے اور چچا کو پتلی گلی سے نکلنا پڑا
بہرحال امید ہے چچا شوباز اب نیب میں حاضری کیلئے فِٹ ہو چکے اور اس بار بُلاوے پر جھوٹی تاویلیں پیش نہیں کریں گے! ???? https://t.co/Crs2Y6Szvh— Dr. Shahbaz GiLL (@SHABAZGIL) September 2, 2020
یاد رہے کہ اِس سے قبل قائدِ حزبِ اختلاف قومی اسمبلی اور پاکستان مسلم لیگ (ن) کے صدر میاں شہباز شریف نے کہا کہ ملیر اور گلستانِ جوہر کے عوام حکومت کے خلاف غم و غصے کا اظہار کر رہے ہیں۔
ٹوئٹر پر اپنے پیغام میں قائدِ حزبِ اختلاف قومی اسمبلی شہباز شریف نے کہا کہ میں نے آج کراچی کے علاقے ملیر اور گلستانِ جوہر کا دورہ کیا جہاں مجھے عوام میں شدید غم و غصہ نظر آیا۔
مزید پڑھیں: کراچی میں عوام نے غم و غصے کا اظہار کیا۔شہباز شریف
