گوگل نیوز پر ہمیں فالو کریںاسلام آباد: وزیرِ اطلاعات شبلی فراز نے کہا ہے کہ حکومت وطن کو عدم استحکام سے دوچار کرنے والوں کے مذموم عزائم خاک میں ملا دے گی۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات شبلی فراز نے کہا کہ ہم پشاور کے مدرسے میں دھماکے کی شدید مذمت کرتے ہیں، تعلیم و تدریس حاصل کرنے والے طلباء پر حملہ کرنے والوں کا انسانیت سے کوئی تعلق نہیں۔
پیغام میں وزیرِ اطلاعات شبلی فراز نے کہا کہ ملک کو عدم استحکام سے دوچار کرنے والوں کے مذموم عزائم خاک میں ملائیں گے، شہداء کے لواحقین سے دلی اظہارِ تعزیت اور زخمیوں کی جلد صحتیابی کی دُعا کرتے ہیں۔
پشاور مدرسے میں دھماکےکی شدید مذمت کرتے ہیں۔ تعلیم و تدریس حاصل کرنے والے طلباءپرحملہ کرنےوالوں کاانسانیت سے کوئی تعلق نہیں۔ ملک کو عدم استحکام سے دوچار کرنے والوں کے مذموم عزائم خاک میں ملائیں گے۔شہداء کے لواحقین سے دلی اظہار تعزیت اور زخمیوں کی جلد صحت یابی کی دعا کرتے ہیں۔
— Senator Shibli Faraz (@shiblifaraz) October 27, 2020
یاد رہے کہ اِس سے قبل سابق وزیرِ داخلہ اور ن لیگ کے سینئر رہنما احسن اقبال نے کہا ہے کہ پشاور میں دہشت گردی وزیرِ اعظم عمران خان کی وجہ سے ہوئی ہے۔
ٹوئٹر پر اپنے پیغام میں ن لیگی رہنما احسن اقبال نے کہا کہ مجھے پشاور بم دھماکے میں ہونے والے جانی نقصان کا بے حد افسوس ہے۔ وہ دہشت گرد جنہیں ہم نے شکست دے دی تھی، دوبارہ سر اٹھانے لگے ہیں۔
مزید پڑھیں: پشاور میں دہشت گردی عمران خان کی وجہ سے ہوئی۔احسن اقبال
