گوگل نیوز پر ہمیں فالو کریںکراچی: ترجمان سندھ حکومت بیرسٹر مرتضیٰ وہاب نے کہا ہے کہ سندھ اسمبلی کے آن لائن سیشنز کیلئے قواعد و ضوابط میں ترامیم آج کی جائیں گی۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ آج سندھ اسمبلی اپنے قواعد و ضوابط میں ترامیم کرے گی جبکہ اسپیکر کو اسمبلی کے آن لائن سیشننز منعقد کرنے کی اجازت دینے کیلئے ایک شق کا اضافہ بھی کیا جائے گا۔
پیغام میں ترجمان سندھ حکومت بیرسٹر مرتضیٰ وہاب نے کہا کہ شق کے اضافے کے بعد اسپیکر سندھ اسمبلی اس قابل ہوسکیں گے کہ ہنگامی حالت یا کورونا وائرس کے باعث جب اسمبلی کا معمول کا سیشن بلانا ناقابلِ عمل ہوجائے تو آن لائن سیشنز کا انعقاد کرا سکیں۔
ترجمان سندھ حکومت بیرسٹر مرتضیٰ وہاب کے مطابق اس عمل سے سندھ اسمبلی پاکستان میں پہلی اسمبلی ہوگی جو اپنے سیشنز کیلئے ٹیکنالوجی کا استعمال کرے گی۔
#Sindh Assembly would be amending its Rules today to add a provision allowing for the Speaker to hold online sessions of the Assembly incase of emergency or when it is impracticable. Thus Sindh will become the 1st Assembly in Pakistan to use technology for its sessions
— Murtaza Wahab Siddiqui (@murtazawahab1) June 15, 2020
