گوگل نیوز پر ہمیں فالو کریںاسلام آباد: وزیرِ مملکت برائے پارلیمانی امور علی محمد خان نے کہا ہے کہ لائن آف کنٹرول (ایل او سی) پر بھارتی فوج کی بلا اشتعال فائرنگ کی شدید مذمت کرتا ہوں جس میں پاک فوج کا ایک جوان اور 2 خواتین شہید ہوئے۔
سماجی رابطے کی ویب سائٹ ٹوئٹر پر اپنے پیغام میں وزیرِ مملکت برائے پارلیمانی امور علی محمد خان نے کہا کہ بھارتی فوج نے لائن آف کنٹرول پر سیز فائر کی خلاف ورزی کی جس سے 16 سالہ لڑکی اور 52 سالہ خاتون اور پاک فوج کا جوان شہید ہوئے۔
وفاقی وزیر علی محمد خان نے دعا کی کہ اللہ تعالیٰ شہداء کے گناہوں کی مغفرت فرمائے اور شہید لارنس نائیک علی باز کے درجات بلند فرمائے جس نے ہمارے پیارے وطن کے دفاع میں اپنی قیمتی جان کا نذرانہ پیش کیا۔
وزیرِ پارلیمانی امور علی محمد خان نے کہا کہ مودی حکومت اور بھارتی فوج نے کیلر سیکٹر میں جنگ بندی کی خلاف ورزی کی ، تاہم ایسے بزدلانہ اقدامات وطن سے ہماری محبت اور جوش و جذبے کو متزلزل نہیں کرسکتے۔
Strongly condemn this unprovoked firing by the Indian troops. May Allah grant Maghfirah & a Highest Place in Jannah to the civilians a 16year old girl & 52year old woman & Shaheed Lance Naik Ali Baz who laid his life in defence of our motherland
Such acts can’t dampen our spirits https://t.co/Z5vaDH52Ge— Ali Muhammad Khan (@Ali_MuhammadPTI) April 30, 2020
یاد رہے کہ اس سے قبل آزاد کشمیر کے علاقے کلیر اور رکھ چکری سیکٹرز میں لائن آف کنٹرول کے پار سے بھارتی فوجیوں کی بلا اشتعال فائرنگ سے پاک فوج کا ایک سپاہی اور دو خواتین شہید ہوگئیں۔
آئی ایس پی آر کے مطابق بھارتی فورسز نے کلیراور رکھ چکری سیکٹر میں بلا اشتعال فائرنگ کی ،پاک فوج نے حملے کا موثر جواب دیتے ہوئے متعدد بھارتی چوکی کو تباہ کردیا۔
مزید پڑھیں: لائن آف کنٹرول پر فائرنگ سے پاک فوج کا جوان اور 2خواتین شہید
