پٹرول بم گرا کر حکومت نے ثابت کردیا کہ وہ عوام کو کچھ نہیں سمجھتی، شہباز شریف

اسلام آباد:پاکستان مسلم لیگ(ن) کے صدر اور قائد حزبِ اختلاف شہباز شریف نے کہا ہے کہ پی ٹی آئی حکومت نے پٹرول بم گرا کر ثابت کیا کہ وہ عوام کو کچھ نہیں سمجھتی۔

قائد حزب اختلاف شہباز شریف نے ٹوئٹر پر اپنے بیان میں کہاکہ عوام کی منتخب کردہ حقیقی قیادت مفاد عامہ میں فیصلے کرتی ہے جبکہ پیراشوٹ سے اقتدار میں آنے والے عوام کے بجائے مافیاز کے مفادات پورے کرتے ہیں۔

Genuine leaderships that are elected by the people keep public interest in view while taking decisions, whereas those who are parachuted into power serve d interests of mafias instead of masses. Last night, PTI govt dropped a huge petrol bomb on masses, taking people for granted!

— Shehbaz Sharif (@CMShehbaz) June 27, 2020

انہوں نے کہا کہ پی ٹی آئی حکومت نے پٹرول بم گرا کر ثابت کیا کہ وہ عوام کو کچھ نہیں سمجھتی۔انہوں نے کہا کہ اگر حکومت کو عوام کی فکر ہوتی تو پٹرول کی قیمتیں اتنی نہ بڑھائی جاتیں۔

ان کا کہنا تھا کہ پیٹرولیم مصنوعات کی قیمتوں میں اضافہ اس وقت کیا گیا جب ملک میں اس کی قلت ہے، انہوں نے کہا کہ حکومت کی سرپرستی میں چینی کے بعد پٹرول مافیا کو عوام کو لوٹنے کا لائسنس دے دیا گیا ہے۔