تاریخ میں ٹائیگر فورس کا نام سنہری حروف سے لکھاجائے گا، عثمان ڈار

نارووال:معاون خصوصی عثمان ڈار نے کہاہے کہ تاریخ میں ٹائیگر فورس کا نام سنہری حروف سے لکھاجائے گا۔معاون خصوصی عثمان ڈار نے ٹائیگرفورس کنونشن سے خطاب کرتے ہوئے کہا کہ ایم این اے احسن اقبال کو اپنے حلقے میں ٹائیگر فورس نظر آگئی ہے۔

عثمان ڈار نے کہاکہ ٹائیگر فورس ایک جذبے سے نارووال کے عوام کی خدمت کر رہی ہے،تاریخ میں ٹائیگر فورس کا نام سنہری حروف سے لکھا جائے گا۔

معاون خصوصی نے کہا کہ عید الاضحی کے بعد ٹائیگر فورس ڈے منایا جائے گا، پنجاب حکومت کے تعاون سے ٹائیگرفورس ایپ بنائی گئی ہے،ملک میں حقیقی تبدیلی نوجوان ہی لاسکتے ہیں۔

انہوں نے کہا کہ 100 ارب کی لاگت سے نوجوانوں کے لیے پروگرام شروع کیا گیا،نوجوانوں کو ایک سے 10 لاکھ تک قرض بغیر سفارش، گارنٹی دیے جائیں گے۔

عثمان ڈار کا کہنا تھا کہ 12 اگست سے کامیاب جوان پروگرام کا دوسرا مرحلہ شروع ہونے جا رہا ہے،پروگرام کے تحت 50 ہزار نوجوانوں کو مختلف تکنیکی تربیت فراہم کی جا رہی ہے۔