گوگل نیوز پر ہمیں فالو کریںکڑاہی پاکستان کی مشہورومعروف ڈش ہے جس کیلئے لوگ مختلف ریسٹورنٹس اور ہوٹلز کا رخ کرتے ہیں۔ اس سے کوئی فرق نہیں پڑتا کہ آپ کس ریسٹورنٹ میں جاتے ہیں، کڑاہی ایک ایسی ڈش ہے جسے گھر کا ہر فرد آرڈر کرنا چاہتا ہے۔
آئیے پاکستان کے سب سے بڑے شہر کراچی میں ایسے 3 مقامات کی بات کرتے ہیں جہاں ہمارے خیال میں کڑاہی کھانے کیلئے آپ کو ضرور جانا چاہئے۔
بمبئی کوئلہ کڑاہی
کراچی میں کھانے کیلئے مشہور و معروف علاقے حسین آباد کے ہائی وے پر واقع بمبئی کوئلہ کڑاہی مختلف قسم کی کڑاہی کی ڈشز کیلئے الگ مقام رکھتی ہے جن کے پاس سردیوں کے موسم میں کوئلہ کڑاہی، شاہی کڑاہی، دنبہ کڑاہی اور جھینگا کڑاہی موجود ہیں جو خاص مصالحوں سے تیار کی جاتی ہیں۔
عام طور پر یہ ریسٹورنٹ مٹن کڑاہی کی پلیٹ 2 ہزار 200 روپے فی کلو میں فروخت کرتا ہے، دنبہ کڑاہی کی بھی یہی قیمت ہے، جھینگا کڑاہی 1 ہزار 900 روپے جبکہ چکن کڑاہیی 1 ہزار 200 روپے فی کلو فروخت ہوتی ہے۔
خیبر چرسی کڑاہی
آج کل خیبر چرسی تکہ کڑاہی کا نام بھی مزیدار کڑاہی کیلئے مشہور ہے جہاں لوگ خصوصی چرسی کڑاہی کھانے کیلئے کبھی نہ کبھی ضرور آتے ہیں۔
دراصل چرسی کڑاہی سے مراد ایسی کڑاہی ہے جو زیادہ مزیدار اور منہ میں پانی لانے کی حد تک ذائقے دار ہے جو دنبے کے گوشت سے تیار کی جاتی ہے۔ اِس کڑاہی کو خصوصی اسے تیار کرنے کا طریقہ کار بناتا ہے۔ اس کی متوازن اشتہا انگیز مہک اسے مزید مزیدار ثابت کرتی ہے۔
چرسی کڑاہی کو 2 ہزار 150 روپے فی پلیٹ فروخت کیا جاتا ہے، دیگر ہوٹلز کی طرح یہاں بھی ہر قسم کی کڑاہی دستیاب ہے تاہم چرسی کڑاہی سب سے زیادہ مشہور اور پسند کی جانے والی سوغات ہے۔
دُعا ریسٹورنٹ
کلفٹن میں واقع دُعا ریسٹورنٹ کڑاہی کے ساتھ ساتھ متنوع اور رنگا رنگ ڈشز کے باعث مقبول ہے کیونکہ یہاں چائنیز اور دیسی ڈشز سمیت بے شمار ڈشز دستیاب ہیں جنہیں کھایا جاسکتا ہے تاہم جس بھی گاہک سے پوچھا جائے، سب یہی جواب دیتے ہیں کہ یہاں جو کڑاہی بنائی جاتی ہے سب سے زیادہ مزیدار یہی ڈش ہے۔
چکن اور مٹن کڑاہی جو دعا ریسٹورنٹ میں تیار کی جاتی ہے، دیگر ڈشز کے مقابلے میں اپنی مثال آپ ہے۔ ریسٹورنٹ میں آپ مٹن پشاوری کڑاہی، میمنا کڑاہی، دیسی مرغ کڑاہی، مٹن کڑاہی، جھینگا کڑاہی، زیتون کڑاہی اور چکن کڑاہی سمیت کڑاہی کی متعدد اقسام دستیاب ہیں۔ ریسٹورنٹ کی 5 برانچز بھی ہیں۔
یہ ریسٹورنٹ مٹن کڑاہی 2 ہزار 250 روپے، چکن کڑاہی 1 ہزار 250 روپے، دنبہ کڑاہی 2 ہزار 250 روپے اور جھینگا کڑاہی 2 ہزار 250 روپے فی کلو گرام فروخت کرتا ہے۔
