تحریک لبیک کے سربراہ سعد رضوی کا کارکنوں سے احتجاج ختم اور گھروں کو جانے کی اپیل

 لاہور:تحریک لبیک پاکستان (ٹی ایل پی) کے سربراہ سعد رضوی نے احتجاجی دھرنے اور احتجاج کوختم کرنے کا اعلان کرتے ہوئے کارکنوں سے گھروں کو جانے کی اپیل کردی۔

حافظ سعد رضوی نے کارکنوں کے نام پیغام میں کہا ہے کہ تمام احتجاجی جلسے اور سڑکوں کی بندش کو فوری ختم کیا جائے، تمام کارکنان پرامن طور پر اپنے گھروں کو چلے جائیں اور قانون نافذ کرنے والے اداروں سے تعاون کریں۔

حافظ محمد سعد رضوی کی تازہ ترین سٹیٹمنٹ pic.twitter.com/TlytOP96CD

— Dr. Shahbaz GiLL (@SHABAZGIL) April 15, 2021

انہوں نے اپنے بیان میں مزید کہا کہ مسجد رحمت العالمین کے باہر بھی جاری احتجاج اور دھرنا فوری ختم کر دیا جائے،ملکی مفاد کی خاطر کوئی غیر قانونی اقدام نہ اٹھایا جائے۔

واضح رہے کہ مذکورہ بیان سامنے آنے بعد حافظ طاہر اشرفی نے کہا کہ اگر تحریک لبیک کے سربراہ یہ بیان پہلے دے دیتے تو نوبت یہاں تک نہ پہنچتی، اور اتنا نقصان نہ ہوتا۔