گوگل نیوز پر ہمیں فالو کریںاسلام آباد:وزیرِ مملکت برائے موسمیاتی تبدیلی زرتاج گل وزیر نے سابق وزیرِ اعظم اور مسلم لیگ (ن) کے سینئر رہنما شاہد خاقان عباسی کے سوال کو احمقانہ قرار دے دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ موسمیاتی تبدیلی زرتاج گل وزیر نے کہا کہ شاہد خاقان عباسی کے انتہائی احمقانہ سوال پر اپوزیشن کے سپورٹرز پھولے نہیں سما رہے۔
وفاقی وزیر زرتاج گل وزیر نے کہا کہ سابق وزیرِ اعظم شاہد خاقان عباسی نے پوچھا کہ حکومت کے پاس کورونا وائرس ختم کرنے کے لیے کیا آپشن ہے؟انہیں وائرس کی ویکسین کا پتہ نہیں۔
وزیرِ مملکت زرتاج گل وزیر نے کہا کہ شاہد خاقان عباسی کو یہ علم نہیں کہ کورونا وائرس کی ویکسین ابھی ایجاد نہیں ہوئی۔یہ کیلبری فونٹ کی ریلیز سے پہلے ہی اس میں لکھنے والے لوگ ہیں۔
خاہکان عباسی کے انتہائی احمقانہ سوال پر اپوزیشن کے سپورٹرز پھولے نہیں سما رہے۔ موصوف نے پوچھا کہ 'حکومت کا کیا پلان ہے کورونا وائرس ختم کرنے کا'؟
ان کو یہ بھی علم نہیں کہ اس وباء کی ویکسین ابھی ایجاد نہیں ہوئی! کیلیبری فونٹ کے ریلیز سے پہلے ہی اس میں لکھنے والے لوگ ہیں یہ!
— Zartaj Gul Wazir (@zartajgulwazir) May 17, 2020
