گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے سمندر پار پاکستانیز سیّد ذوالفقار عباس بخاری نے سوشل میڈیا پر ایک اشتہار لگا دیا ہے جس میں انہوں نے مسلم لیگ (ن) کےصدر و قائدِ حزبِ اختلاف قومی اسمبلی شہباز شریف کو مطلوب ملزم قرار دے دیا۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی زلفی بخاری نے کہا کہ شہباز شریف ایک مطلوب ہیں جو اپنے آپ کو خادمِ اعلیٰ قرار دیتے ہیں۔ ان کا کاروبار شوبازی اور بیٹوں کی کمپنیاں ہیں۔
پیغام میں معاونِ خصوصی زلفی بخاری نے کہا کہ شہباز شریف نے 23 جعلی کمپنیاں قائم کر رکھی ہیں۔ قائدِ حزبِ اختلاف نے اربوں کی رشوت اور غیر قانونی کمیشن لیے جبکہ ان کے بیٹے ہر ماہ جعلی اکاؤنٹس کے ذریعے ڈالرز جمع کرتے رہے۔
معاونِ خصوصی زلفی بخاری نے کہا کہ مسلم لیگ (ن) کے صدر شہباز شریف کا ذریعۂ آمدنی کسی کو معلوم نہیں جبکہ ان کی موجودہ صورتحال یہ ہے کہ وہ ”حکومت ناانصاف ہے“ کے نعرے لگانے میں مصروف ہیں۔
Wanted ❗️
Name : Shehbaz Sharif
Calls himself : Khadim-e-Aala
Business : Showbaz & sons Co. .. with 23 fake companies.. billions in kickbacks & commissions .. with cash boys putting $$ in fake accounts each month
Source of income : unknown
Current status : crying of injustice pic.twitter.com/VG8n4Sg5Yl— Sayed Z Bukhari (@sayedzbukhari) May 13, 2020
